藝人曹永廉、馬國明及蕭正楠日前遠赴美國洛杉磯舉行演唱會，全場反應熱烈，令3子感動非常。演出期間阿廉遇上突發事件，令他頓時大失預算，一度不知如何是好，尤其身邊有兩位好兄弟鼎力相助：「好開心今次能夠衝出國際開騷，不過我真係三十幾年從來未試過，竟然全日失聲，愈臨近開騷我就愈擔心，真係唔知點算﹗」

當時阿廉心裏在盤算，合唱總可以蒙混過關，但獨唱部份難以向台下觀眾交代：「阿蕭好有義氣幫我頂咗一首歌，後嚟我強行拉住佢繼續留步幫手，而馬國明連首歌都唔熟亦衝埋出嚟，3兄弟一齊撐住，又畀我哋過到關喎，觀眾反應仲好到不得了，主辦方真係好開心，希望嚟緊可以encore啦。」

抱恙的阿廉前日已返港，唯昨日仍有工作在身未能即時求診﹕「我約咗今日點都要去做檢查嘞，因為月底我要北上綵排開騷，7月又有幾場演唱會等緊我，同埋我哋3個要入錄音室灌錄新歌《三生有幸》，冇咗把聲真係唔得呀。」一向走搞笑路線的他突然感性起來，忘不迭多謝兩位好兄弟近日的照顧，兄弟情永遠在心中。