【On.cc】俠醫︱譚凱琪被丁子朗追殺 嚇到女兒爆喊
無綫劇《俠醫》到結局周，飾演自閉症家姐「羅穎茵」的譚凱琪（Zoie）演出令人留下深刻印像，昨晚播出「穎茵」被丁子朗飾演的「世鏗」追殺，受驚躲避喊戲連場，監製April和男主角陳豪都讚好，陳豪昨晚與Zoie 、張曦雯、馬貫東及丁子朗等齊齊直播追劇，他說：「Zoie個角色其實好難做，太多會好誇、太少又會唔夠。佢好努力，其實我覺得佢演出嚟都幾自然流露，我Feel唔到佢係演或者演得好辛苦，好有進步。同埋我現場見到，真係叫佢喊、佢隨時喊到。」監製亦讚Zoie交足戲：「拍呢段嗰日其實好熱好曬，Zoie仲要長期好緊張、好無助，我喺現場睇到好肉痛。佢喊咗好多次，佢每一個Take都交足戲， Even拍Back Shot佢都係流緊眼淚。」
搞笑的是，Zoie女兒追劇時，一度因為擔心媽咪安危而爆喊。Zoie事後受訪笑言：「佢見到丁丁（丁子朗）襲擊我好驚，係都要攬住我；然後瞓覺嗰陣，佢又一路攬實我、問我點解畀人襲擊，又問我點解要匿喺咁多人會見到嘅地方囉。」Zoie表示這場醫院重頭戲，前後拍了兩天，追逐戲花了一天時間拍攝，製作十分認真：「我嗰日都真係全日Keep住自己要喺個好驚恐嘅情緒入面，同埋拍之前都會計一計每個位嘅驚恐程度有咩唔同、希望做得準確啲。」Zoie表示劇情是跑到甩鞋，所以當日不停着鞋和除鞋，並謂吃得最多Ng反而是跌倒那一場：「呢場動作戲我唔係拿捏得好好，一來要跌啱個位、二來要跌得似，所以我淨係嗰個鏡頭都拍咗好多Take，好多謝劇組事前畀咗護膝我戴。」Zoie笑言丁丁做奸角冇得頂，讚對方奸得自然，令大家都好入戲。丁子朗在直播期間亦讚Zoie該幕演出不但可愛，而且很感人：「你嗰場戲真係好可愛，好普通一場戲，你將佢變成好感動。」
譚凱琪被丁子朗追殺。
瞓晒地！
勁驚！
唔好出聲呀！
都係被丁子朗發現。
奸到出汁！
好在最後冇事！
真係勁驚囉！
