【藝人】何家長孫成人生勝利組 何猷君5歲兒已高及奚夢瑤腰
.
已故賭王何鴻燊兒子何猷君（Mario）名模太太奚夢瑤育有一對子女，分別5歲大仔何廣燊（Ronaldo）及3歲細女Romee，近日身為第五代男丁嘅Ronaldo，喺媽媽帶同下現身香港大球場觀看賽事，其身高明顯高於同年齡兒童嘅平均水平，遺傳媽媽優良基因，令人驚訝。
有網民目擊到奚夢瑤零遮掩地帶同5歲兒子現身香港大球場觀看賽事，兩母子拖手步入球場，身穿印有自己英文名字球衣嘅Ronaldo顯得相當活潑，一身足球員打扮，足顯佢對足球嘅喜愛。而現年5歲嘅佢，身高方面絕對遺傳超模基因，身高已到達媽媽腰部以上，按奚夢瑤官方身高1米78推算，綜合仔仔身高比例，網民目測其身高約在1米15左右，比起同年齡小朋友平均身高（中國5歲男童平均身高約1米11）更高。
