【On.cc】Gin Lee頸椎舊患復發 自嘲難搞過感情問題
歌手李幸倪（Gin Lee）今日（1日）推出全新廣東歌《隨時隨地》，講述一段「戀人未滿」的靈魂伴侶關係，沒有天長地久的壓力，反而是隨時來、隨時去，隨時散、隨時聚，相當瀟灑。新歌《隨時隨地》曲詞由馮穎琪包辦探討一種微妙關係，兩個人不用綁死，但心裏永遠留個位給對方。Gin自爆錄音時十分感觸，返到屋企更喊咗幾次，指歌曲直達心靈深處，就如跟閨密傾心事，歌曲就好似是馮穎琪、鄧小巧與她Girl’s talk。
Gin Lee被問到有沒有遇過類似感情時，則大賣關子稱大家聽歌就知，認為可能每個人一生總會遇過Soulmate，她又自爆第一日錄完音返到屋企已經喊了幾次：「好鍾意呢首歌，感覺好似同好朋友傾緊偈咁，直達深心處。」覺得這種關係雖然沒有傳統浪漫的「一生一世」，但反而多了份自在和默契。
此外，Gin Lee 早前在社交網分享了染血相片，嚇親粉絲，她解釋：「唔好意思令大家擔心，我第一眼見到啲血係有啲驚訝，但醫得到就唔驚啦！」原來是她年少時當運動員積落不少舊患，加上長期穿高踭鞋、跳舞及工作勞損，太疲勞的時候便會舊患復發。而舊患復發的她嘲頸椎舊患難搞過感情問題，5月時更因為頸椎問題多次進出醫院，現時每星期都要覆診及做復健。不過，她請大家不用擔心，現時會定期治療和保養脊椎。
Gin Lee頸椎舊患復發。
Gin Lee現時會定期治療和保養脊椎。
保重身體呀！
