明报：一日打工限定｜姚子羚学做点心连环出错 遭狠批眼有泪光
姚子羚将在今晚播出的第4集TVB节目《一日打工限定》现身，试做点心师傅。为了打好份工，姚子羚提前一天抵达工作现场，跟曾师傅学整烧卖及炸凤爪等点心，翌日又要凌晨4点多抵达点心工场，准备肠粉、虾饺、蒸排骨、山竹牛肉及煎堆等大量点心，十分忙碌！点心师傅初见子羚，便与她约法三章，说当点心师傅要早起身、够力、会污糟邋遢及要湿手湿脚。他又搞笑恐吓子羚：“最紧要记忆力，讲两次我就要‘问候’你。”
不过，子羚未有吓怕，“拼命三郎”上身，拿着大盘虾仁或是大桶热粥均面不改容，加上肯学肯做，包烧卖手势更获得要求严格的曾师傅认证。子羚觉得首日开工最有趣的地方，是用来量度调味料分量的秤子十分怀旧，她拍古装戏时也用过这款调味秤。
虽然子羚首天开工时与曾师傅有说有笑，但第2天开舖前却被曾师傅训话。曾师傅说“快少少，好多客坐咗喺度，唔好乱嚟”、“呢个我唔收货”、“我睇到你我忟呀”、“呢啲你整？我都唔识讲呀真係”等。多次受责备的的子羚只能露出可怜表情及睇住师傅面色做人。学整虾饺皮时，子羚整了一大堆后依然不合格，曾师傅发火及勒令子羚休息：“你休息一阵先，你不停咁喺度整，係做唔到好嘢出嚟，不断盲目去整冇意思。”
子羚扁嘴兼眼湿湿，直认感到十分挫败。她说：“你会觉得，点解我连一隻完整嘅虾饺都包唔到，师傅叫我去唞吓，其实我唔係好想去唞，我觉得个感觉有啲似我拍剧，会愈拍愈有Energy，一停咗落嚟，就会唔知自己做乜咁。”不过，子羚很快重拾斗志埋首工作，结果成功翻盘获师傅讚赏。子羚说：“真係落手去做，係比你想像中难好多，每个step都冇得偷懒，当你错咗一个步骤，你就要由头做过。”曾师傅见子羚不断“输咗又起番身”，亦忍不住给予鼓励。他表示：“喺短短嘅时间入面，你要完成咁多个点心係唔容易嘅事。”
