【On.cc】袁偉豪廣州騷晒麒麟臂 唱情歌冧到張寶兒主動獻吻
藝人袁偉豪（Ben）前晚（25日）在廣州舉行《路途上的袁偉豪BEN ON THE ROAD巡回演唱會》，Ben全晚換了多套服裝，先後以白色西裝上陣化身白馬王子，又以背心示人大騷麒麟臂，他施展渾身解數，除了唱歌外，又彈結他自彈自唱，還罕有地跳舞，相當落力。
袁偉豪開騷好有睇頭，跳唱加自彈自唱都有齊。
期間Ben唱出《你與你的另一半》時，太太張寶兒上台向Ben送花，兩人肉緊拖手之餘，寶兒還獻上香吻，場面溫馨，寶兒隨即匆匆下台，Ben急叫愛妻回來，並拖實太太的手向觀眾表示:「咁靚嘅歌詞就係張寶兒小姐寫嘅，畀啲掌聲我太太。」又向寶兒冧爆說:「唔好走，留低。」台下歌迷大叫好甜，當他唱到「我喜歡你，最愛你」一句時將手上其中一朵玫瑰花送給太太，又將其他的玫瑰花派給台下觀眾，認真識做，最後他搭著寶兒的肩膊唱完整首歌，全場冒粉紅泡泡。而好兄弟謝東閔則擔任個唱嘉賓。
最冧係太太張寶兒上台送花。
即刻要錫，冧！
仲公開叫「畀啲掌聲我太太」。
寵妻無極限。
好兄弟謝東閔擔任嘉賓。
袁伟豪[超话]
