【On.cc】陳展鵬家庭樂被偶遇 單文柔遭病毒感染面腫
藝人陳展鵬同太太單文柔向來恩愛，仲成日帶埋愛女小豬比出巡，一家三口高顏值，令人羨慕。注重家庭bonding嘅二人，近日去到澳門過復活節假期，雖然佢哋冇刻意吸引途人目光，仲故意以最簡單打扮現身，但都係難掩星光，一行出嚟就被網友認出。
陳展鵬同單文柔一家三口極高顏值。
陳展鵬遭捕獲。
有網友晒出澳門偶遇陳展鵬一家嘅經歷，興奮表示行街時見到陳展鵬，佢只係一個轉頭就睇到展鵬超有氣場嘅身影，陳展鵬戴上墨鏡，搭配休閒服飾、孭大背囊現身，明顯係刻意保持低調，但都阻擋唔到視帝顏值，全程專注陪伴妻女，獲該網民大讚：「墨鏡也遮不住的神顏，我當場愣住！煎Pan本人超級低調，穿着很日常，但走路帶風的氣場根本藏不住！」所以佢都只係偷偷拍咗背影相，未有打擾男神家庭時光。同行嘅單文柔亦專登戴白色Cap帽遮樣，又着短褲大晒美腿，勁有少女味，仲時不時同老公十指緊扣，羨煞旁人。陳展鵬今次再印證好老公、好爸爸形象，網友都大讚佢係顧家男人特別型。
陳展鵬難掩星味。
想低調行個街都唔得。
單文柔短褲仔吸睛。
另外，單文柔分享了一張自拍照，見她素顏下面部紅腫，原來她與小豬比先後病倒，表示：「呢個四月好事多磨，發生咗好多事，但好感恩接到一些喜歡的工作，有一個很疼爱我的經理人，永遠在我手忙腳亂嘅時候幫我。姐姐放大假返咗菲律賓，原本計劃了出外度假，忽然豬比發高燒，燒了好幾天，好擔心！行程打亂了，到豬比病完，我病了！然後忽然間有一日，雙眼好腫痛，打唔開，一直出眼膠好肉酸，原來感染了病毒。加上精力充沛嘅豬比已經好返， 我真係冇精力好彩有神隊友接得，依家終於可以睇到嘢 yeah！」
係十指緊扣呀。
祝早日康復。
陈展鹏[超话]单文柔[超话]
