由視帝陳豪、視后龔嘉欣主持的飲食節目《美食強人》將於本月19日播映，今日（9日）在電視城舉行記者會，林秀怡擔任「探店專員」，以及多位「神秘美食家」，包括李家鼎、黎芷珊、糖妹、劉洋、李金凱及50位名廚和食家等出席，場面熱鬧。

陳豪第一次拍攝飲食節目，自言第一日開工有好多大廚在場不敢出聲，第二日就醒目識得交流一下。龔嘉欣就讚陳豪識搞Gag，幽默搞笑，是被演員躭誤的主持：「做主持畀佢99分，唔做主持嘥咗，記憶力驚人，份稿睇一次就記得。」對合作很有新鮮感。陳豪笑言：「Gag唔爛，係堅嘅！我天生就係一個笑話，係做自己。」但對着老婆陳茵媺就不是如此，自言內外不一，形容內心澎湃，想像力豐富，外表就好溫文，同小朋友一齊時就玩到癲，每日都同自己鬥爭中，又指大仔最似他，鍾意亂來，但很有創意。嘉欣表示今次節目沒有份試吃，但從中偷師，令廚藝大有進步，笑稱大廚答應之後會請食飯，所以最少有50餐食。而陳豪就自認廚藝了得，且自封「鑊王」，追求味蕾享受，對食物很有要求，自言最叻煎牛扒，百發百中，炒菜亦不錯。龔嘉欣就表示質疑，因未見過食物相，陳豪就笑言自己是「吹水廚師」，嘉欣即提議開一個《煮食強人》，由陳豪親自下廚。

近日蒙嘉慧接受訪問時，提及以前在TVB拍劇時因為陳豪不知甚麽是「放題」，而令她萌生推劇要享受人生的道理，陳豪笑言真的不知道甚麽是放題，指蒙嘉慧當時都沒有解釋，直至近日才知道，他笑言太太應該都不懂，他即場爆金句，表示要送6個字給嘉欣，就是「得㗎啦！得㗎啦！」無論面對好事或壞事都用得著，問陳豪會否考慮減少工作去享受人生？他表示享受人生責任重大，自言3小孩、太太跟他已混為一體，所以每天都是享受其中。他說今次拍節目跟李家鼎多見面，覺得對方很開心，狀況很好，與廚師傾偈時表現得很百厭。

李家鼎今日回復狀態，精神奕奕現身，透露正在拍攝新煮食節目，開工兩日，喜歡多工作，他表示身體托賴不錯，透露肥了18磅，每日食足3餐，多謝細仔李泳豪和新抱的照顧，透露有帶他周圍吃東西，待他很好。問是否規劃他的人生？他說：「唔係，係提點，冇規劃，好尊重我。」他表示身體應付得來，不覺辛苦，而且拍攝時間不長。平日與豪仔拍片，指兒子有他真傳，將來父子檔一齊拍節目要看公司安排，但覺得兒子可以獨當一面。至於是否有開餐廳計劃，他表示必須要計數，覺得現在香港經營飲食業較艱難。問到前妻施明靈位問題，他一臉嚴肅，放下咪並搖頭：「唔好問，家事唔好講。」

糖妹透露在節目中為掩飾身份，刻意素顏戴眼鏡去食肆試食，以為自己身高細粒不被發現，但都不成功。今次主要試食咕嚕肉，笑言為節目大犧牲，因為本月24及25日要舉行音樂會，原本要戒口瘦身，她自爆拍完節目後回家急做健身操，由於已近凌晨，遭樓下鄰居兩度投訴。今次時隔多時在港開騷，主題為《因為寂寞》，可能正中不少人的神經，有朋友包半場支持她，亦有內地粉絲專承來港支持及應援，非常感動。另外問到JW傳出婚訊，糖妹表示不清楚，無論真假都恭喜對方，最緊要開心。