無綫年度重頭劇《璀璨之城》將於10月12日首播，焦點除了張智霖（Chilam）與吳卓羲（Ron）的「世紀合體」，兩大女主角高海寧（高 Ling）及張曦雯（Kelly）的角色人設亦曝光。高海寧原本任職高級檢控官兼升官有望，但因為張智霖毅然轉跑道嫁入官家，並成了前任吳卓羲的大嫂及吳的太太張曦雯的眼中釘！由閨密變宿敵，豪門妯娌世紀決裂。

除了角色人設，今日還公開了兩位女主角劇中十大亮麗造型，雖然同為官家少奶，但高Ling與Kelly的打扮卻風格各異，高Ling以黑、白、灰、卡其等素色為主，而且多為套裝類別，盡顯角色專業高冷及知性一面。造型雖然偏簡約，但當中不少是貼身剪裁、相當蝦人著，難得高Ling不但完美 Carry，還著出女強人神韻，值得期待！至於全心全意做豪門少奶兼闊太交際花的Kelly，造型則偏向高貴、女性化兼多元，故材料多以雪紡及絲質為主，有古董Look公主裙、飄逸花長裙、透視喱士恤衫、露肩粉紅冷衫、大露背高貴晚裝，及小清新露臂套裝等！

為了新劇造型，高 Ling、Kelly 及劇組花了不少心思，無論衣服顏色、質料、剪裁以及髮型等，都是為了角色人設「度身訂度」。以高Ling為例，為了凸顯角色的硬朗感，她刻意剪短、拉直及染黑頭髮，又將質感衝突的衣服配搭在一起，展現角色內心的掙扎及矛盾，相當有心思：「因為 tough 之餘都想展現到女性魅力，洪海允雖然有佢自己嘅堅持，但喺豪門生存又需要柔軟。」至於首飾配件，高Ling亦選擇了低調奢華的復古類型以突出洪海允的獨特：「洪海允好有自己嘅諗法同品味，想襯托番佢重質嘅一面。」

談到造型多變亮麗，Kelly受訪時則透露記憶中新劇造型至少30個：「因為其實差唔多每一場都著唔同嘅衫。今次嘅造型自己都擺咗好多 Input 落去，因為始終都係豪門太太啦，又要同高 Ling 個角色有鮮明嘅分別，所以喺顏色方面都用咗好多Pastel Colour，同埋會 Girly啲，再配啲高貴啲嘅 Accessories。」談到不少造型均配搭了Oversize Coat，問到是否有特別意思，Kelly 聞言笑謂：「其實本身我哋套劇係暑假開嘅，但後來改咗冬天拍，所以我哋之前準備咗嗰啲衫呢，就要加番件褸喺上面喇。」