▪️今季第一隊喺歐聯贏波嘅意甲球隊，係第一次參賽嘅科莫。賽前球會展現出窩心嘅一幕，球會高層集體「齊場」，讓位俾一班資歷最深嘅年長球迷，表示呢一刻應該給予「等待時間最長嘅球迷」。

尼高柏斯交出兩個助攻，巴圖連拿一個入波一個助攻；西班牙中場路爾斯米拿（Luis Milla）對球隊中場嘅控球同組織都有一定幫助。2020/21 球季科莫都仲喺丙組角逐，今晚就第一次喺歐聯亮相。

▪️對上一場羅馬嘅歐聯比賽係2019年3月對波圖，而唯一一位羅馬球員喺果場比賽同今場都有上陣嘅係基斯坦迪，然後佢今場仲取得入波，亦都係佢個人第14場歐聯比賽嘅第一個入球。戴巴拿踢足全場，而蘇利就有點失色。

費倫巴治嘅左後衛亞捷布朗（Archie Brown）幾搶鏡，中堅彌敦艾基攻門中楣。

▪️布拉格斯拉維亞就經歷咗極度絕望嘅心碎時刻！賽事第88分鐘，踢少個嘅捷克球會少有丹尼爾史杜姆 （Danijel Sturm） 打破局面再次取得領先。但係去到補時階段，朗斯方面連續有「回應」，先係91分鐘泰奧雲 （Florian Thauvin）建功扳平比數。接續喺93分鐘魯賓艾基拿 （Ruben Aguilar） 完成絕殺，徹底撕碎捷克人嘅心，而朗斯就極致狂喜地奇蹟翻盤！

歐洲聯賽冠軍盃賽事賽果-布魯日2-3 阿士東維拉AEK雅典1-0 LASK連斯利爾2-3 皇家貝迪斯波圖0-2 曼城多蒙特3-2 維拉利爾皇家馬德里2-1 國際米蘭史特加3-1 維京（稍後時間進行）巴塞隆拿5-1 飛燕諾拿坡里0-1 阿仙奴巴黎聖日門6-1 布拉迪斯拉華利物浦2-1 馬德里體育會士砵亭3-1 加拉塔沙雷費倫巴治1-1 羅馬PSV燕豪芬1-1 薩克達曼聯4-0 沙巴布拉格斯拉維亞2-3 朗斯拜仁慕尼黑5-0 博杜基林特科莫4-1 RB萊比錫

UCL