▪️今季羅馬雙雄開季嘅表現都令人喜出望外，特別係防守端都有所提升。

拉素與羅馬、國際米蘭一樣取得開季三連勝（跨季四連勝），而且佢哋同羅馬以及祖雲達斯都係只失咗1粒。法堤斯同賓拿蒙迪嘅加盟令到佢哋有更多嘅選擇空間，特別係法堤斯嚟到球會之後參與嘅兩場賽事都取得入波之餘喺賽後亦獲選為MOM，毫無疑問呢個會為佢入選意大利國家隊增添唔少砝碼。另一位冰島攻堅艾拔古蒙臣（Albert Gudmundsson）後備入替之後踢得好「生」，比賽尾端嘅入波為拉素奠定勝局。

賽後領隊加圖素表示，佢已經展望緊下一週嘅對手，希望時間可以過得快d，極需要喺呢場對陣AC米蘭嘅聯賽嚟證明自己。

而三週過後，今季意甲「絕無冷場」，30場每一場都有入波，係近年比較少見嘅。

意甲第3週賽事賽果-熱拿亞1-4 科莫費倫天拿1-2 拖連奴國際米蘭3-2 拿坡里羅馬2-1 亞特蘭大費辛隆尼3-2 威尼斯帕爾瑪1-1 蒙沙博洛尼亞2-2 薩斯索羅祖雲達斯1-1 AC米蘭卡利亞里1-0 萊切烏甸尼斯1-2 拉素

Serie A 🇮🇹SS Lazio 🦅🩵🩵