卡塔爾球會艾薩特（Al-Sadd）官方宣佈從拉素引入31歲意大利中堅羅馬洛尼，簽約四年，據報導轉會費 300 萬歐元，年薪 500 萬歐元。

艾薩特今年一月已經想羅致呢位曾經效力羅馬、森多利亞、AC米蘭嘅前意大利國腳，並且接近成事，但最後因為一啲球員離隊補償條件無法達成協議，以及當時教練沙利希望留住球員而告吹。

今次轉會據講因為艾薩特想出年先開始繳付轉會費，以及轉會費金額多少兩個問題而花咗唔少時間磋商，期間沙利執教嘅亞特蘭大都有興趣引入。