▪️首週各自都未能獲勝，今仗嘅目標當然希望全取三分。利物浦領隊伊拿奧拉迎來執教球會後嘅第一個聯賽主場，開賽前就繼續有球隊名宿奇雲基謹嘅悼念默哀儀式。同對陣紐卡素一樣，費寧邦同積基特繼續踢主力，但係對於第一個失波走甩咗尼杜耶都要負上責任；韋斯追和但被VAR裁定越位而入球被推翻，呢位德國攻堅依然需要用表現去證明自己；加基普踢唔係咁熟悉嘅右路，減少埋門但係有更多嘅傳球；門奴斯喺恩古莫夏上陣之後踢返右路，關鍵時刻入靚弄波追和。比賽中間發生小插曲，第四旁證喺利物浦換人之際搞咗好耐電子牌都搞唔掂，令到主隊遲遲未能換人引起伊拿奧拉嘅極大不滿。

森林今場續有基比斯韋特踢翼鋒，呢位英格蘭球員亦都交足貨；左翼衛歷高威廉士（Neco Williams）再次倒戈母會，下半場一次入攝造成艾利臣碧卡犯天條搏到十二碼，表現都算唔錯。

對比近三次交手成績，利物浦總算和翻一次（前兩次均輸波而回）。

▪️愛華頓嘅新任隊長泰高斯基補時階段入波，球會開季保持不敗。

般尼茅夫連續10場英超主場保持不敗，但係當中只有三場贏波，其餘七場都係打和。

愛華頓嘅泰奴巴利浪費咗三個機會；中場新人夏里遜岩士唐睇嚟值得繼續給予機會；左後衛美倫高有連環嘅封阻非常精彩，亦都鬥志可嘉。

英超第2週賽事賽果-水晶宮1-4 曼城利物浦2-2 諾定咸森林高雲地利0-1 侯城般尼茅夫1-1 愛華頓托定咸熱刺0-2 紐卡素辛德蘭1-0 富咸車路士4-3 白禮頓列斯聯1-1 賓福特曼聯5-2 葉士域治阿士東維拉🆚阿仙奴（稍後時間進行）

EPL英超利物浦愛華頓