▪️連續兩季止步附加賽/資格賽，上季就輸俾哈薩克球會艾瑪迪，今季就俾連斯反吸，名帥馬田奧尼爾似乎改變唔到些路迪嘅豆腐渣防線問題。

首回合贏緊3-0，好難想像些路迪今仗作客90分鐘就幾乎輸埋被淘汰，若非對手「回禮」射中門楣，佢哋連加時都冇得踢。美國射手艾頓尼蘭（Samuel Adeniran）非常搶鏡，加時階段唔係辛尼沙路（Viljami Sinisalo）奮身撲出佢嘅十二碼就能夠大談帽子戲法。而贏波嘅LASK連斯，就創球會記錄歷史性第一次躋身歐聯正賽。

歐洲聯賽冠軍盃附加賽次回合賽事賽果-沙巴3-2（e.t.：2-0，agg：6-4）夏普爾比亞舒華LASK連斯4-1（e.t.：1-0，agg：5-4）些路迪博杜基林特3-0（agg：6-1）NEC尼美根里昂🆚費倫巴治（稍後時間進行）AEK雅典🆚索菲亞列夫斯基維京🆚薩格勒布戴拿模查積🆚布拉迪斯拉華

UCL歐洲聯賽冠軍盃附加賽LASK連斯