▪️意甲首週賽事，羅馬雙雄壓軸出場！法堤斯為拉素上陣嘅第一場意甲比賽，有一個入波同護空門。賽後佢話自己嘅狀態唔係幾好，缺乏比賽嘅狀態，仲未到100%。

加圖素超過五年來第一次帶隊征戰意甲；馬路錫受傷，造就梅素連尼（Floriani Mussolini）第一次為拉素一隊上陣。守門員文達斯用腳嘅處理麻麻哋，但係撲救嘅能力同反應都好快。

泰迪斯高帶領嘅博洛尼亞黃金機會更多，但係門前嘅把握就一般，亦都差少少運氣，不過整體態度幾積極，中場嘅搶截亦都勇猛。啱啱續咗約嘅柯蘇連尼演出比較平淡。

▪️羅馬有兩位球員「帽子戲法」，馬倫係入波，戴巴拿就係助攻。格羅素又要棟高床板唸下紫百合嘅問題到底喺邊。

意大利甲組足球聯賽首週賽事賽果-國際米蘭4-1 蒙沙烏甸尼斯1-1 科莫熱拿亞0-2 拿坡里帕爾瑪0-1 卡利亞里費辛隆尼0-1 祖雲達斯威尼斯0-2 萊切亞特蘭大2-1 薩斯索羅拖連奴1-2 AC米蘭博洛尼亞0-1 拉素羅馬4-0 費倫天拿

Serie A意甲拉素法堤斯