《中年好聲音4》的蒙面藝人參賽者周志康、羅天宇、劉佩玥、姚兵、莫家淦，宣布9月30日在麥花臣場館舉行《愛爆動物音樂秀》音樂會，今日（21日）在上環舉行記者發布會，劉佩玥與羅天宇刻意以首圈參賽時的服飾亮相，勾起大家的集體回憶。

劉佩玥（Moon）表示好想多謝大家於參賽過程中見證住她的成長之路，在比賽時自己是剛剛學唱歌的BB班，感謝自己肯踏出這一步。問會否覺得唱歌起步遲了點？Moon表示演員是她主要的工作，不會被身分限制自己：「唔會因為年紀、性別而驚行每一步，就算到中年、老年都會繼續試新嘢，開拓更新眼界。」比賽讓她認識很多朋友，亦令朋友之間愈加熟絡，同舟共濟，用愛去鼓勵和幫助，沒有想過到現在可以開音樂會。

至於舞台服飾會否同樣不受限制挑戰性感底線？Moon笑言不會給性感局限，可以健康性感和高貴的性感，現在仍在挑選服裝，自爆近日看過米高積遜的電影，忽發奇想想學跳「Moon Walk」，Moon笑言：「我叫『Moon』，好想試吓跳Moon Walk，喺屋企練到2隻腳翹埋一齊跌倒，真係好難，跳舞唔係我強項，但唔代表唔可以練習。」她希望到時在音樂會上表演給大家看，講笑就算今次未能成功，會由中年練到老年。她透露想邀請胡鴻鈞擔任表演嘉賓，問可會邀請緋聞男友周志文合唱？她笑言：「佢同周志康同一個樣喎！睇吓阿康請唔請佢先，其實我唔介意同佢合唱，之前都一齊出席過活動，但未試過同台合唱，不過就算唔係合唱，到時佢都會台下支持我哋嘅。」

周志康透露想延續《中年好聲音4》與劉威煌和關楚耀再合作，希望能請到他們做嘉賓，周志康與羅天宇表示會在音樂會上合唱，之前兩人曾擔任過蕭正楠演唱會的嘉賓，有意「你Rap和唱」望擦出火花，有指周志康和羅天宇外形有點相似，可嘗試玩「神同步」？周志康表示可以一試，但嫌羅天宇動作太慢，天宇就笑言慢有慢的好。談到周志康《中年》7強止步情緒到爆喊，他表示不感失望，能夠入到10強己好感恩，因為7強是計累積分數所以會接受：「唔開心係有，係對舞台不捨好感動，原本冇諗住喊，不過講到追夢，提及屋企人，見到參賽者，呢10個月經歷好多，忍唔住流出感動眼淚和感激嘅眼淚。」當日鏡頭所見周志康的太太和兩個女喊得仲厲害，志康解釋兩個女因為不捨得參賽的哥哥姐姐而喊，但好處是讓女兒學會離別，覺得是一個好課堂，大批網民不能接受志康被淘汰，周志康豁達表示：「所以今次開騷可以令佢哋聽番我唱歌囉！」又透露快將推出新歌，對上一首歌是8年前劇集《她她她的少女時代》主題曲《少年時代》，今次獲公司支持出歌很是開心，新歌尚未錄音，未知能否趕及開騷時演出。

羅天宇表示十分羨慕志康，並指自己會繼續努力：「希望音樂會唱好啲，畀大家睇到自己更多可能性。我都有份拍《她她她》，當時睇住佢現場唱過，到依家佢出第二首歌，做朋友都戥佢開心。」問志康會否請蒙面藝人一齊拍新歌MV？周志康表示情歌好像不太適合，如果講友情可以考慮，此時羅天宇講笑：「我哋兩個之間都可以呀！」周志康即請他食檸檬檸：「唔好搞咁多嘢喇！」另外，有網民指志康的女兒坐在參賽者陳旭培大髀合照，議論紛紛，志康認為大家感情好似屋企人一樣，覺得冇大問題，又指女兒自細懂得保護自己，假切是陌生人的話，絕對不會有太親近的接觸。