移美6年哈里攜梅根回流英國子女9月入學查理斯三世周日始知情

月底遷入倫敦郊外私人住所料不會擔任王室職務

英國傳媒報道，哈里王子與妻子梅根計劃於本月底帶同一對子女，由美國加州搬返英國生活。哈里終於決定返老家，但今次唔係住王室物業，而係搬到倫敦郊外私人住宅。

據報，7歲阿奇王子同5歲莉莉貝特公主已經獲英國學校取錄，9月開學。哈里夫婦會趁暑假尾聲，本月底先會正式回流。至於學校位置，基於私隱同保安理由，暫時未有公開。

報道指，英王 查理斯三世 直到星期日先收到哈里一家搬返英國消息。兩公婆上月帶同子女返英，並到海格羅夫莊園與查理斯三世見面，當時據報並無提及「全家回流」計劃。

不過，BBC報道指，查理斯三世對日後可以更頻密、以私人身分與哈里 一家見面表示歡迎。至於威廉王子及凱特王妃亦已獲通知，但哈里同哥哥威廉之間嘅關係，暫時未見有同步「解凍」跡象。

哈里同 梅根 返英國生活，並不等於重返王室，預料不會恢復王室公職，亦不會代表英王出席官方活動。

事實上，哈里夫婦自2020年宣布放棄王室核心職務後移居美國，並與Netflix、Spotify等公司合作，之後亦透過訪問、紀錄片及回憶錄分享王室內幕，令家庭關係一度陷入低谷。今次返英，似係為事業、生活與家庭安排重新部署。而哈里夫婦仍會保留位於加州蒙特西托嘅住宅，以及在葡萄牙嘅物業。

【保安問題成焦點】

哈里一家返英，保安問題亦再次成為焦點。哈里退出王室工作後，已不再自動享有警方保護。他曾就相關安排提出法律挑戰，但最終敗訴。過去哈里亦曾表示，如果冇足夠保安，便難以安心帶妻兒返回英國。

目前，英國政府、警方及王室都未公開今次具體保安安排。英國內政部則表示，王室及重要人物嘅保安決定由相關委員會處理，整體保護制度會按風險作出嚴謹及相稱安排。 有網民笑住問，究竟哈里會唔會親自揸車送仔女返學，定係每日出動一隊車隊。

哈里一家今次返英，無疑為他與父親查理斯三世修補關係提供更多機會。尤其查理斯三世近年接受癌症治療，能夠多見到兩個孫亦係好事。

娱壹