【娛樂新聞】陳曉華否認為情消瘦 想影寫真留住好身型　郭柏妍自爆靠飲綠茶keep住體態.陳曉華、郭柏妍、馬國明、傅嘉莉、游嘉欣、何沛珈、李海銅、何廣沛、黃文慧等一眾演員，今日落深水埗宣傳新劇《夫妻的博弈》。陳曉華同郭柏妍接受訪問，講起近況。

早前陳曉華出席活動，身形明顯瘦咗，著抹胸裝仲頻頻滑落。佢透露而家趕拍新劇《驅魔速遞》，笑言拍驅魔題材「拍到變瘦」。佢本身有運動習慣，日日堅持跑步，開咗新劇之後瞓唔夠，胃口差咗，身形就越嚟越單薄。

被問係咪為感情事消瘦，陳曉華否認：「全部係拍戲搞成。」而家體重返到參選港姐嗰陣水平，佢反而覺得開心。選港姐時51公斤，之後最重去到60公斤，而家唔使刻意戒口，可以放膽食嘢。

郭柏妍就話，現階段體重處於正常狀態，近期冇劇拍。被問實際幾重，佢笑說冇上磅，「冇必要秤」。一旦開劇就會主動減重，皆因鏡頭會將人拍大，容易喺螢幕睇落腫。平時會注意身體狀態，成日飲綠茶。

至於陳曉華會唔會影寫真記低依家身型？佢笑住回應「好想」。呢種身型好難得，好耐冇返到呢個狀態，瘦咗仲練到腹肌。拍動作戲練咗唔少肌肉，想試唔同款衫，打算趁《驅魔速遞》拍完有空檔去影相留念。TVB