【On.cc】朱敏瀚蜻蜓點水式咀嘴　游嘉欣：睇番都覺得浪漫

游嘉欣(游游)在無綫劇集《非份之罪》中與（朱仔）飾演情侶，二人的感情及親嘴戲一直是焦點所在，昨晚他們有多場拖手及深情對望戲，其中一幕蜻蜓點水式咀嘴戲更勁有初戀 Feel！由於碰巧在剛過去的《飛常日誌 II》大結局中，朱仔有孭著她的戲碼，網民笑言2人在《非份》中的感情戲是極好的「再續前緣」，游游亦笑言睇番與朱仔的親嘴戲，自己亦覺得很浪漫。

除了與朱敏瀚的感情戲外，游嘉欣在劇中亦極多內心戲，單是昨晚一集已喊足4場。由於《非份》於三年前拍攝，對於當時仍是新人的她來說，絕對是極大考驗。她在受訪時指《非份》是拍過劇集中喊得最多最密一套，更試過因崩潰爆喊失眠，游游：「嗰陣時喊戲對我嚟講其實好大壓力，因為呢套劇之前我一路都好難喺其他人面前喊，就算自己試嗰陣係成功，一喺人面前啲眼淚就會收番埋，就算我自己試嗰時係成功都好，可能同我本身性格都有啲關係。」游游又笑言《非份》令她喊戲開竅：「拍順咗之後就好似揾到自己個喊點，而家變咗冇咁驚喊戲，甚至有啲 enjoy，因為可以盡情釋放情緒。」

游嘉欣與朱敏瀚有感情戲。

上演蜻蜓點水式咀嘴。

游嘉欣劇中有極多內心戲。

在劇中飾演游嘉欣父親的吳啟華則展現神級演技，其中一幕得悉被綁架的游游平安無事後，雖然對白只是「好呀好呀」、「太好喇太好喇」，短短 10 秒已清楚展現出情極致的情緒繃緊感、失而復得的狂喜，以及欲哭無淚的複雜狀態。之後，他在家中向游游宣告家姐死訴，悲慟莫名的眼神、再加上強裝鎮定的哭腔，均令人深深感受到父母失去子女的切膚之痛；再緊接之後得悉朱敏瀚身份後的發狂場面，層次演技獲網民大讚「演技之巔」。

另外，曾展望（GM）與戴祖儀（Joey）在《非份》亦極受注目，當中的爭執回憶場口，Joey 為了搶回被GM偷去的錢，「女力士」上身狂搲 GM 頭髮之餘、仲擸摺櫈向著GM頭部及心口起勢「拍蚊咁拍」，其中一吓 Joey 更因疑似用力過度、一度站不穩，場面望落相當「刺激」逼真，據導演透露，GM和戴祖儀恍如 MMA 打鬥的動作設計，是經由武術指導在安全顧慮下設計及安排，兩位演員的表現亦絕對專業和有水準：「有啲位會係借位拍嘅，但當中的確有真打部份，當然武指有幫佢哋做足墊 pad 呢啲保護措施，但全部腳踢同推撞戲佢哋都係真做，都拍咗好多個 take 同埋角度，兩位演員同埋所有台前幕後都辛苦了。」

吳啟華展示神級演技。

朱敏瀚