無綫高層樂易玲今日（1日）生日，昨晚（30日）於尖沙咀設下派對與親朋同歡，藝人黃宗澤有份出席。黃宗澤到場即「打爛醋呈」，打趣指張曦雯與自己爭仔（吳卓羲），爆笑全場。黃宗澤到場即發揮搞笑本巴：「今日係天后（樂易玲）誕，等天后開庫先人人有工開。（聽聞你幫邵氏做賀歲片監製？）傾過吓，我負責搵吓贊助咁啦。（想同林峯及吳卓羲同體演出？）想，但請佢哋唔起呀。（知唔知吳卓羲同張曦雯傳緋聞？）搶我條仔？要我審核先得，要我批准喎。（吳卓羲好開心？）佢日日都開心㗎啦，唐貓隻隻都咁上下樣，大家唔好亂講。」