【On.cc】吳啟華重操故業再演醫生　戴祖儀叛逆少女玩「短打放題」

無綫新劇《非份之罪》昨晚（29日）播出首個《無臉女屍》，憑《妙手仁心》系列中「程至美」醫生角色而深入民心的吳啟華，在新劇中再次「重操故業」飾演醫生，獲網民大讚他演醫生一如以往入型入格、做手術手勢極度逼真，又讚他外貌十年如一日變化不大。

而劇中飾演其女兒的戴祖儀（Joey）亦獲網民高度關注，擁有修長美腿的她為配合劇中「叛逆少女」身份，首集已儼如「短打放題」，其中一幕爬窗逃避警察追捕戲份，更因長腿太吸睛在網絡洗版。談到新劇角色，Joey笑言由於劇集是於3年前拍攝，故她昨晚看畢第一集除大感「回憶返晒嚟」，並笑言：「最震撼係睇番幾年前嘅自己，我就明白到點解依家啲人話我瘦咗。」她續指由於拍攝發脾氣場口期間連續發了數日高燒，故拍攝時因有感體力不足大感緊張，幸得劇組及吳啟華照顧，令她大感窩心：「其實嗰幾日我都係發住高燒去完成最情緒激動嘅位，加上咁啱要趕進度，啲場口係通宵拍嘅，所以我好緊張，因為最需要情緒嘅戲但自己又冇乜力，都只能盡力。多謝大家對我超級好，都好快畀我拍咗先，畀我早啲返去休息。」

程志美返番嚟？

啟華再演醫生。

又真係同以前冇乜分別。

Joey同啟華演父女。

簡直短打放題。

全部都係腿。

Joey指跟吳啟華合作非常安心，雖然劇中有被對方掌摑的場口，但完全不會痛：「佢冇真係打到我架，因為佢真係太有經驗，好識得就位，只係輕輕力搵角度打，所以完全唔痛，同埋我係唔覺得佢有打我，超級窩心。佢都話打人唔需要真係打，做到效果就可以。」