【On.cc】宣萱為求投入角色　閉關沉浸在復仇空間之中

宣萱、台灣藝人溫昇豪與新加坡演員李銘順主演的《誰殺了她》最近在HOY播出，宣萱接受專訪時，形容該劇是她從影以來最難的劇，初時更曾想過推卻：「初初接嘅時候經理人同我講，我第一個反應係，可唔可以唔接？好大壓力。因為個角色，我唔係好聯想到，第一要做媽咪，媽咪個感覺係點，劇中嘅仔女唔係小朋友，我以前做過媽咪，但仔女都好細個，所以我諗好多，驚自己做得唔好，但係經理人鼓勵我，覺得我一定做到，我就知道一定要做，因為係舒適圈嘅問題。同埋演員永遠要做多啲冇做過嘅嘢，第一可以畀到觀眾新鮮感，第二係挑戰自己，所以我就同經理人講，簽啦！簽咗冇得後悔。快啲簽！簽咗就冇得拒絕。」

宣萱是一位專業演員。

飾演復仇母親的宣萱，為了引真兇再出手，竟模仿對方的犯案手法，宣萱坦言說拍攝過程相當很沉重：「我飛到新加坡之後都仲未諗到點做，我諗過當係小動物，因為我好錫小動物，但我做戲唔可以將現實嘅情感擺入戲度，我真係要投入角色。例如我喊，我唔可以諗當年爸爸走嘅時候我喊，依家係為另一樣嘢喊，我唔可以咁樣聯想。但我好記得當時飛過去之後，香港發生咗一單好大嘅新聞，就係個女仔俾人分屍，見到呢件事之後幫咗我好多，因為當時我感受到，我唔係佢媽咪，我個感覺都好強，如果我係媽咪點算？我就用嗰個感覺擺落去。」

宣萱為投入角色，戲外幾乎都閉關，沉浸在復仇空間，她說幸好有好友雪兒：「佢知道我好辛苦，我話我唔可以出去食飯，我驚我一出去就心散。加上成個戲講普通話，一講普通話我就要好集中，因為睇劇本有啲咩發音我唔肯定，我要即刻上網查拼音，逐個字去查，又要記對白，所以我唔出街食飯。佢見我咁慘，窩心到買一大袋麵包、酥餅，好好食嘅嘢。佢話，你好辛苦，食呢啲甜嘢會開心啲。佢就送嚟酒店，同我傾吓偈。」

宣萱接受訪問。