【On.cc】謝君豪經歷「魔幻時刻」　完騷重新適應生活

舞台劇《The Magic Hour 魔幻時刻》昨晚（29日）於香港演藝學院歌劇院完成29場演出，謝君豪、葛民輝、韋羅莎、江𤒹生、魯文傑及蔡曉童等，一眾主演於謝幕時一同向觀眾致謝，全場掌聲雷動、歡呼不絕，為今次演出畫下完美句號。謝君豪以沙啞聲線分享完成演出的感受，坦言要重新適應生活：「由四、五月開始排戲，到依家基本上一直都經歷緊『魔幻時刻』。睇住成套戲一步一步成形，好似自己都同套戲不可分割，成個生活都投入咗落去咁。」

謝君豪感觸提到排練期間收到恩師King Sir離世的消息，當時一度心情恍惚，更擔心自己能否完成首演：「當時我企喺台邊望住個舞台嘅霓虹燈布景，突然令我明白King Sir一直以嚟對演出嘅堅持同精神，所以更加提醒自己要完成呢個演出。」

葛民輝直言最想感謝的人就是豪哥：「豪哥簡直係『喪』㗎！大家一直都覺得謝君豪係演正劇，但原來骨子裡佢癲到天頂，超級Hyper！喺佢領導之下，每個演員都玩得好開心，演出時就好似陪住佢一齊玩一樣，所以真係好多謝佢帶我哋進入呢個『魔幻時刻』！」阿葛笑指完騷後最不捨得的是劇組的「福食」，坦言十分期待慶功宴。

韋羅莎（Rosa）亦表示，豪哥一直都是她的偶像：「我由初初畢業加入香港話劇團做全職演員時，已經有機會同豪哥同台，不過當時冇乜對手戲，只係得兩句對白。一路以嚟睇佢嘅電影、舞台劇，到依家可以認識佢、同佢一齊排戲、傾偈，不斷吸收佢嘅經驗，真係好多謝佢！」江𤒹生（AK）表示今次與豪哥有最多對手戲，因此特別感謝對方：「真係喺佢身上學到好多。」

謝君豪經歷「魔幻時刻」。

葛民輝直言最想感謝的人就是豪哥。

默默十足！

AK同韋羅莎合作。

嚟張大合照。