【On.cc】許志安紅館騷冇Big Four陪嗌緊張　活躍宣傳見成果

歌手許志安（安仔）昨晚（28日）為音樂活動擔任表演嘉賓。他高興表示最近認識了不少新朋友，繼早前跟男團MIRROR成員江𤒹生（AK）及王智德(Alton)合作後，今次則輪到跟另一位成員柳應廷（Jer）同台演出，期間二人更為了合唱《大人之後》而分工彈結他和鋼琴伴奏。安仔大讚Jer多才多藝，坦言自己為了能好好配合，事前除了勤練鋼琴，並花了幾星期練聽熟Jer的歌曲，他說：「如果我哋各有各唱，觀眾係唔會有感覺，所以我要聽晒佢成首歌、不停聽，聽佢唱歌嘅感覺，不斷去消化。」提到同場的歌手們均獲安排有獨唱部分，唯獨他只獲安排合唱沒冇Solo，他表示不介意，笑言留待10月自己的紅館騷時再唱，他坦言相隔11年再踏紅館舞台讓他也有點緊張：「之前有Big Four成員喺身邊陪住，但今次自己一個有啲緊張，我同自己講，呢個騷唔係回顧，或者自己行到呢一刻嘅檢視，而是一個新篇章，所以先緊張，希望做得好嗰、有新鮮感。」

許志安為同Jer合唱，事前勤練鋼琴，並花幾星期練聽熟Jer歌曲。

安仔表示為了應付今次跟Jer的演出，就連個唱開會度穚也推遲了：「過兩日完成宣傳工作，就開始要投入排舞，我個騷唱跳唱環節唔算太多，提早練舞係希望跳得夠精。」提到他近來相當活躍，走勻多家電視台做宣傳，安仔很高興得到回響，知道有網友將他的作品當新歌聽。對於有報道指他的新歌《信天翁》MV爆金錢糾紛，導演被攝影師公開追討欠薪，安仔坦言不太清楚事件。

許志安今次紅館騷冇Big Four陪，佢都有緊張。