【娛樂熱話】《飛常日誌II》周嘉洛 劉穎鏇 朱敏瀚 玩轉三角戀互餵軟糖

《飛常日誌II》自開播以來廣受觀眾好評，收視同樣報捷，首周最高收視錄得21.2點（136萬觀眾），暫列2026年首周最高收視劇集，成績斐然。為答謝觀眾支持，演員馬國明、劉穎鏇、周嘉洛、朱敏瀚、郭柏妍、鍾柔美於6月24日，以一身航空人員制服，齊集銅鑼灣街頭進行宣傳活動，現場公布劇集收視佳績，和現場觀眾一同慶賀，並吸引大批途人駐足圍觀，場面墟冚。

會上，眾演員大搞「慶功派對」，周嘉洛、劉穎鏇、朱敏瀚玩轉劇中感情線，三人搞笑互餵長條紅色軟糖，寓意收視一路「長紅」。當朱敏瀚與劉穎鏇互餵軟糖時，周嘉洛投入角色，欲剪斷情敵同自己的女神所食的軟糖，十分搞笑。已婚的馬國明則婉拒玩食糖遊戲，反而自薦「show肌」，與鍾柔美及郭柏妍亦分別配合肌肉、泳裝主題展板，擺出搞怪造型。

劉穎鏇表示拍第一輯時，已想做機師，可惜未能如願，今次宣傳活動可以穿上機師制服，總算一圓心願。劉穎鏇表示若劇集開拍第三輯，希望當上女飛機師，周嘉洛同樣希望第三輯可以做機師，因為他的角色叫程日飛，卻未直正飛過。劇中劉穎鏇經常以短裙行政裝束示人，大展逆天長腿，她感謝監製拍得她如此漂亮，也想不到好多鏡頭拍到她的雙腿。馬國明笑指監製不想她的美貌影響演技，所以劇集只拍出她八成美態，其實可以更漂亮。

（左起）郭柏妍、朱敏瀚、劉穎鏇、馬國明、周嘉洛及鍾柔美宣布收視喜訊。

活動在戶外舉行，周嘉洛好有風度，用道具紙牌當遮，為鍾柔美及自己擋曬。

周嘉洛與劇中女神劉穎鏇一齊食糖。

當劉穎鏇與朱敏瀚食糖，周嘉洛即吃醋，作勢要用剪刀剪斷軟糖。

最後輪到朱敏瀚及周嘉洛齊齊食糖。

馬國明企在大隻佬紙板公仔後show肌。

郭柏妍同鍾柔美亦大晒「水著」Look。

監製陳耀全（左四）亦有出席活動。

馬國明近日成日跟蕭正楠同曹永廉出show搵真銀，他笑指自己只是part time歌手。

劉穎鏇在劇中大晒靚樣長腿，更被網民封為最想娶的女演員。

周嘉洛希望開拍第三輯《飛常日誌》，讓他可以演機師。

朱敏瀚早前在《飛常日誌II》宣傳活動上，不慎撞崩戴祖儀門牙，他表示會負責任，願意賠償牙醫診金畀她。

鍾柔美在活動上，再次以靚靚空姐Look示人。

郭柏妍承諾若劇集若達30點，會穿泳衣報捷。