佘诗曼 ｜佘诗曼528生日快乐

20260524 ig 更新

見到呢個組合，應該知我哋又開戰喇～我同媽咪FaceTime，佢問我：「你今日去邊呀？」我話同肥仔佢哋打牌囉。媽咪話：「嘩，又去進貢俾肥仔呀！」我信心滿滿咁答佢：「放心，我feel到今日會贏！」阿媽話：「有信心都係好嘅。但係你邊夠人打吖。」（一盤冷水淋過嚟！嗰團火都熄熄哋…🙄）因為打到凌晨三點，所以第二日媽咪先問我賽果如何，我話我輸到PK，前所未有輸咁多（$xxxx）！跟住佢就話：「吖～嗰個肥仔點解咁勁嘅呢？唉，你唔好再同佢打喇！」我話：「唔緊要啦，當交吓學費囉，名師出高徒吖嘛！」但係都好開心嘅，打打吓三條友仔（ Edan、肥仔、阿Dee)話去廁所，隔咗好耐終於返嚟，突然間聽到君如哈哈聲大笑，原來準備咗兩個蛋糕！雖然我輸咗金錢，但係贏咗友誼😆✌🏻多謝大家！