【On.cc】張寶兒產後4個月速減盆骨　袁偉豪望追女遭囝囝「拒絕」？

藝人張寶兒今日（18日）到銅鑼灣拍攝產後體態修復廣告，早前誕下細仔「袁氹氹」的寶兒花了4個月時間收身，盆骨縮減了，能夠從重新穿上細碼衫。問到生第二胎是否會更注重身體健康？她說：「第一胎就冇乜問題，第二胎就消耗大啲，所以要多啲護理。」她又坦言體態仍未完全回復，還有肚腩仔，收身仍需努力，亦得到老公袁偉豪鼓勵。

寶兒被問到可會考慮再生BB？她說：「要再努力，搞掂依家呢兩個先，湊兩個要多好多時間同埋心機，雖然有經驗，但係有啲嘢都要重新學過。（袁偉豪恨生女？）係呀，隨緣啦，啲仔愈大爸爸都愈鍾意，依家成日帶佢去做運動、游水。（囝囝想唔想有個妹妹？）小朋友就梗係唔想要，想獨霸父母，小朋友係咁，但係哥哥都好錫細佬，細佬又成日望住哥哥，好有愛。」

寶兒咩事咁開心？

收身已成功大半。

爆袁偉豪都想追個女。

不過囝囝就想獨霸父母。