【On.cc】佘詩曼買禮物回贈契仔　合體陳山聰囝囝Jaco互餵冧爆

視后佘詩曼（阿佘）工作忙碌之餘，亦會花心思氹契仔契女，十分愛錫他們。近日阿佘託人在上海買禮物送給陳山聰的兒子Jaco作「回禮」，她在社交平台Po出與Jaco的開心合照，大讚契仔醒目，見Jaco收到阿佘送的禮物，開心不已，他亦相當乖巧，親自餵契媽食嘢，令阿佘甜在心頭！兩人更一齊拍廣告，Jaco化身獅子仔與阿佘齊齊擺出獅子張牙舞爪的甫士，Jaco又為阿佘「加冕」。

阿佘寫道：「呢個契仔真係醒到不得了！話說兒童節，佢同老竇行街見到隻Labubu話要買畀我（好明顯其實佢係想我回禮），結果佢揀咗一份香港係好難買嘅禮物，終於係要叫人專登喺上海幫我買嘅。我特登等到我哋一齊拍廣告當日送畀佢，收到嘅時候，佢當然開心到爆～而我就覺得佢醒到爆～依家啲小朋友真係好聰明。」阿佘更叫陳山聰悉心教育Jaco：「真係要悉心教育同謹慎栽培先掂！」Jaco亦非常乖仔，賣口乖留言表示會孝順靚女契媽：「多謝靚女契媽！我孝順父母之餘，將來都會好孝順你！」網民紛紛大讚Jaco可愛又Sweet，當然亦有大讚阿佘：「契媽超好！」

佘詩最同山聰囝囝好Friend！

親自餵食。

好可愛！