倪嘉雯回應《魔音》成團被指造假 丁子朗力撐：我都有揀佢！. 黎耀祥、龔嘉欣、丁子朗、倪嘉雯等今日（17日）出席無綫新劇《香港探秘地圖》宣傳，眾人穿上道袍，將劇中「結手印」改成《魔音女團》跳舞動作。丁子朗大讚黎耀祥同龔嘉欣講對白一Take過好犀利；龔嘉欣就爆丁子朗拍攝期間偷道具香拜咗3次姻緣石；倪嘉雯自爆有摸姻緣石，但似乎未有成效。

提到有網民質疑《魔音女團》賽果造假，成功入選嘅倪嘉雯坦言自己都擔心入唔到，宣布時好驚訝。問到係咪覺得有黑幕，佢話：「唔係我決定，我都唔知自己入唔入到！但我覺得評判揀得都應該有原因。」丁子朗力撐冇造假，因為佢鍾意嘅都有入團，倪嘉雯係其中之一，話佢新造型令人另眼相看。被問係咪姻緣到，丁子朗即笑話係「劫」，二人互指對方係劫，丁子朗仲急急落閘怕傳緋聞：「黐線，唔好傳，呢個真係不得了！」

TVB