車崇健自爆仍與李施嬅聯絡：互相關心. 「星級健身教練」車崇健（Anson）與前未婚妻李施嬅分手後，感情狀況一直備受關注。車崇健近日以體能顧問身份出席活動時，透露與李施嬅分手後仍有以短訊聯絡，互相關心。車崇健表示：「有keep住message，大家互相關心。（有冇機會復合？）呢一刻我單身，如果有新戀情會公開，順其自然啦。」

車崇健又提到工作近況，指自己除了到不同城市推廣運動，亦繼續擔任多位藝人嘅私人健身教練，包括已跟隨佢16年嘅楊千嬅。佢話千嬅月尾會喺深圳開演唱會，非常投入同盡力。被問到會唔會介意外界因綜藝節目表現而對他產生負面印象，車崇健坦言自己由細到大都比較反叛，唔會理會網上聲音，知道自己做緊乜就得。