郭富城陪妻回鄉奔喪盡顯深情 方媛缺席《桃花塢》發布會. 天王郭富城老婆方媛近日因內地綜藝《五十公里桃花塢》第六季嘅房間分配問題引發爭議，被批只顧自己方便。噚日（16日）節目喺重慶舉行發布會，導演謝滌葵透露方媛因「老家突發急事」臨時請假缺席。有內地網民爆料，原來方媛嘅外公喺安徽老家安詳離世。方媛得悉噩耗後即刻停工趕返鄉下奔喪，城城亦放下手頭工作，陪老婆一齊北上，現身靈堂送長輩最後一程。

從網民曝光嘅靈堂畫面所見，城城同方媛著住素黑衫、戴口罩同墨鏡，神情哀傷。城城毫無巨星架子，主動幫忙打點，手持長香虔誠祭拜，仲溫柔擁抱方媛嘅年老女親屬，拍背安慰。城城有情有義嘅舉動獲網民一致讚賞，大讚佢係「好男人」，話佢尊重方媛同家人，喺最需要嘅時候永遠陪喺身邊。

郭富城陪方媛奔丧方媛外公离世