《愛．回家》將停拍｜「朱凌凌」吳偉豪感性告別島大生涯：圓咗大學夢！. 無綫處境劇《愛．回家之開心速遞》即將停拍，劇中飾演「朱凌凌」嘅吳偉豪接受訪問時坦言好唔捨得，會更加珍惜剩低嘅拍攝時間。佢話最難忘一定係島大嘅戲份：「可能因為自己本身冇讀過大學，但能夠喺戲劇世界裏面，有一個屬於自己嘅大學體驗，一圓大學夢，真係好難得。」

問到最唔捨得邊個拍檔，吳偉豪話當然會掛住劇中所有好同事，但同周嘉洛依然喺同一間公司，相信會有機會再合作。

另外，對於爸爸吳大強傳離巢無綫，吳偉豪澄清：「以我所知爸爸好似係完咗約，跟住又再簽多咗一份，所以依然係公司嘅一分子。」TVB