歌手方力申昨晚（15日）在紅館舉行一連兩場《最佳時間》演唱會，全晚有多組嘉賓，率先登場的是《百分百感覺》經典拍檔陳曉東、李彩華（Rain）等人，當然不得不唱《兩男一女》，回憶返晒嚟！小方爆大學時期拍劇獲陳曉東法拉利接送　周勵淇合唱《十．分愛》

小方指幾位是他最先找的嘉賓，問現場有幾多人睇過《百分百感覺》，又提到當年拍劇時自己還是大學生：「嗰時我左手攞住notes，右手攞住劇本，完咗之後就係陳曉東揸住法拉利車我返屋企。你知唔知個位得一個？唔係車我就係……呀？但係佢揀我！」之後Rain即說陳曉東都有車過自己。陳曉東指小方以新人姿態拍劇，小方即說：「Rain都係我師姐，早我一年！我係大過你好多，不過你出道早啫。」陳曉東就爆料指小方拍劇時當漫畫去演，很多表情，隨即被Rain笑說很浮誇。而梁漢文（Edmond）亦罕有現身合體，與小方合唱《龍咁威》及一系列《美女廚房》中的改詞串燒歌，更大呼：「美女廚房，食咗先講！」

身為前港隊泳手的小方在設計成泳池的舞台唱擺《繼續游》後，指曾在1999年參加紅館舉辦的世界游泳錦標賽，自詡是。有父母、老婆、女兒全家動員支持的他，看到期間播出的成長片段有感而發說：「做爸爸之後，見我爸爸影我個女，呢廿幾年都冇見過佢咁開心，好開心佢可以享兒孫福。」

為演唱會努力操肌的他唱跳新歌《万刀甲》，跳唱令人眼前一亮，最後更索性脫去背心赤裸上身，大騷胸肌、腹肌，一身健碩肌肉，相當有睇頭。而身為小方健身教練的杜德智則打鼓贈興，大讚小方艱苦訓練過程沒有投訴，用了4星期將體脂由16%減到8%。小方又講到因藝人是他第一份工，過去不懂得做人，試過得罪親戚，廿年沒有偈傾、朋友絕交，現在則相當簡單，覺得「老闆」包括老竇、老婆、女兒滿意，他就覺得成功和開心。去到Encore環節小方與歌迷打成一片，遞咪給歌迷合唱《自欺欺人》、⁠《隨傳隨到》等歌曲，氣氛推向高峰。