費倫天拿收起法基奧利，另外有摩西堅恩同埋柏利斯傷停，雲路尼祭出4後衛陣式應對拉素。過去兩季佢哋對著拉素都有唔錯嘅成績，連同今場波取得4勝1和五場不敗。佢哋喺進攻端少有地細膩同富有耐性組織，高辛斯插上助攻得分依然值得信賴。不過三名前鋒只有積夏理遜發揮較好，法仙尼同碧哥利比較「靜」。路根尼同盧卡雲尼亞利嘅中堅組合還係欠缺多少默契，不過繼續有神勇表現嘅迪基亞（本場做出6次成功封堵）力保不失。

拉素佔據較多嘅場面優勢，但係就得勢不得分。整體進攻更多依靠左路，薩簡尼同後備入替嘅路斯連都製造出唔少威脅，相反伊達臣後備入替未有太多亮點。

原本以為費倫天拿會分心週中嘅歐洲協會聯賽次回合賽事，結果又幾「喜出望外」。

意甲第32週賽事賽果-羅馬3-0 比薩卡利亞里1-0 基蒙尼斯拖連奴2-1 維羅納AC米蘭0-3 烏甸尼斯亞特蘭大0-1 祖雲達斯熱拿亞2-1 薩斯索羅帕爾瑪1-1 拿坡里博洛尼亞2-0 萊切科莫3-4 國際米蘭費倫天拿1-0 拉素

Serie A Enilive 🇮🇹