正義女神丨馬貫東自曝求學時期是「樣衰肥仔」 曾被同學欺凌：掉垃圾入書包

早前馬貫東在網上引發熱議，有網民直言他「冇男一相」，認為其外貌不夠出眾。昨日（4月4日），馬貫東出席《正義女神》活動接受訪問時，對這些負評一笑置之，更自爆曾聽過更難聽的說話。

被問到網民指他「冇男一相」，馬貫東坦然回應：「我企返喺佢個角度，我都覺得自己爭咗少少。都係要有嗰個經歷，令自己有個氣場出現，而家就訓練緊自己。」他回憶上一套播出的《臥底嬌娃》時，也發現自己將角色「褪後」，未有呈現出男主角應有的定位。

對於網民的評語，馬貫東表示聽過更難聽的說話：「我諗最難聽都係話我樣衰，冇乜特別。我細細個俾人話慣，仲要係肥仔，好樣衰嘅肥仔，哈哈，仲要單眼皮。」被問到是否常被欺凌，他直言：「係呀，俾人蝦呀。我諗我哋俾人玩有一個正選，我就係後備，哈哈。但係佢哋玩我又唔會太過分，可能係言語上，又唔會郁手郁腳。『話你呀！死肥仔！』總之咩都關你事。」

他透露欺凌方式主要是言論攻擊，沒有肢體衝突，但試過被人掉垃圾入書包，甚至偷筆。「呢啲讀書階段都幾常發生，而家諗起都好笑。」他笑說後來長高後，體重才慢慢恢復正常。TVB