【On.cc】廖偉雄揸百萬豪車巡視魚蛋檔　舖面極大食客爭住合照

「阿燦」廖偉雄淡出幕前從商多年，近年移居馬來西亞，事業版圖愈做愈大，去年在吉隆坡斥資打造佔地1.5萬呎、4層高飲食娛樂基地。愛更新影片頻道嘅佢，今次就上載自己揸住價值數百萬港元嘅灰色名車霸氣登場，巡視新開張嘅魚蛋檔。片中佢落車時步伐穩健、氣場強大，被問到係咪因新店開張而買名車時，又霸氣回應：「唔係你估！」不過廖偉雄之後即大方澄清自己並非車主，佢笑言：「老老實實，部車唔係我嘅，係我朋友嘅。」不過以佢依家目前擁有飲食娛樂基地及多間餐廳，規模愈做愈大，要買百萬豪車絕非難事。

廖偉雄搞飲食搞到獲獎無數。

巡舖都揸百萬豪車。

廖偉雄轉Look，同樣有星味。

廖偉雄之後認自己並非車主，係問朋友借。

廖偉雄甫進店就同食客合照，只見其新店魚蛋檔面積極大，人氣爆棚，食客大讚食物好食、價錢公道，廖偉雄亦表示對當下生活感滿足，又感嘆：「其實做人就係咁樣，你邊度都可以去，乜嘢都可以玩嘅。大牌檔我又可以食，高級酒樓我又可以去，當你能夠做到咁樣，呢個先至係叫人生嘅樂趣。」

以佢依家財力，要買百萬靚車唔難。

魚蛋檔舖面大到咁，癲！