【On.cc】炎明熹否認內地騷被取消　COLLAR大個女Gao隨時嫁？

「樂壇小天后」炎明熹昨晚（26日）中環舉行時尚派對，她鼻上貼了一個卡通圖案的暗瘡貼，笑言是造型之一，自言近日皮膚變差，因為睡眠不足，所以奉勸大家拋下煩惱，好好入睡十分重要，她說：「因為太多嘢諗，好多嘢想再做好啲，依家進步咗好多，覺得順其自然，諗咁多都無用，成長好多。」提到《2026佛山草莓音樂節》的主辦方日前宣布取消，令進軍內地頭炮遇挫，炎明熹表示以她所知，音樂節只是延期舉行，希望之後可以唱更多歌給大家聽，做到想要做的事，但未知幾時再舉行。她說：「好多事不一定會發生，學會冷靜少少，相信一切自有安排，（會做其他內地騷？）公司和工作室會安排，大家多多期待。」其透露即將推出第二首新歌，新歌會有不同感覺，對歌迷是一個大驚喜，並提到今次參與高很高，自己會勇於表達，同監製溝通。另外，提到她14歲的busking片近日流出流出，她笑說之前在網上一直見到：「冇諗過大家又攞出來睇，多謝大家寵幸我，應該冇其他片，以前啲比賽片，自己睇番都好尷尬，公司同事近排攞咗以前啲嘢出嚟，大家有好多不同驚喜。」

炎明熹話音樂節只延期，冇取消。

炎明熹鼻頭貼卡通圖案暗瘡貼，認唔夠休息皮膚變差。

炎明熹即將推出第二首新歌。

女團COLLAR成員Ivy、 Candy 、Day和Gao一同出席，其中以Ivy的銀色閃片裙和Candy下身透視裝最搶眼，Day指着自己裙子有很多眼睛圖案，笑言：「有好多隻眼望住我。」Gao最密實，但就笑言自己入面真空。Ivy表示這身打扮比平日出活動來得保守，但感覺較隆重，Candy希望予人不同感覺，想型格一點，自言配襯西裝不錯，自誇膊頭闊穿西裝會好看。提到隊中各人都推出了單曲，問何時輪到Gao？她表示未知道，也不心急，認為每個人步伐不同，要來就來，對於她的感情步伐似乎較順暢，經常孖男友公開放閃？她笑說並非刻意放閃，早前剛好一同去美國工作，平日雙方都好低調。Gao可會是隊中最快嫁出？她們聞言立即互相推讓，不想最早嫁。

至於Marf日前舉行了首個個人騷，她們表示有去撐場，很戥Marf開心，沒有羨慕，希望下次能夠舉行COLLAR演唱會，又笑指在後台不停多謝工作人員，感覺好似自己開騷一樣。Day笑言自己一定有機會開個人騷：「一定有機會，睇幾時。」Ivy表示個人騷要儲多點歌，笑言：「好快，不是今年就是下年，或者後年。」至於舊隊友So Ching近日刪除男友阿MO連結疑感情生變，Ivy表示：「我哋冇聯絡，但知道佢做舞台劇，希望佢事業感情順利。（捧場？）冇見佢宣傳，佢都低調，希望做到佢想做的嘢，最緊要佢開心。」

COLLAR以Candy（左二）及Ivy（右一）最性感。

Gao（左一）經常孖男友公開放閃，最有機會可能嫁人。

Ivy指自己同So Ching冇聯絡，未知前隊友感情事。

依家爭Gao未推出個人單曲。