阿積士喺第14週嘅補賽以2-0擊敗岡寧根，終止各項賽事五場不勝嘅走勢。原本週末進行嘅呢場賽事，喺第六分鐘就受到現場球迷投砸燃點嘅煙花到球場內導致暫停，結果四十分鐘後重開繼續受到球迷以煙花發洩不滿嘅情況而被迫腰斬。領隊格廉似乎逐漸搵到自己嘅節奏，將板倉 滉（Ko Itakura）安排踢防守中場嘅角色隊球隊嘅屏障作用以及中場控球率都有較明顯嘅提升。全取三分後，佢哋嘅積分排名重上第五位，距離榜首嘅PSV燕豪芬有14分差距。另外由於歐洲賽事嘅緣故，艾克馬亞喺16週（12月14號）對陣SBV精英嘅賽事申請改期獲得批准，具體安排會喺稍後時間公佈。 🇳🇱