經過6位領隊、8場比賽嘅嘗試都失敗，愛華頓終於第一次喺英超作客擊敗般尼茅夫。廸斯貝利荷爾移後踢墮後中場，反而令到佢同基亞利殊嘅分工清晰啲，後者發揮嘅自由度亦都大啲，基亞利殊第一次為愛華頓喺聯賽入波，當時係對水晶宮，而果場比賽正正係迪斯貝利荷爾缺陣，今場嘅入波係今季第二個聯賽入球。泰亞奴巴利（Thierno Barry）終於搵到今季第一次中目標埋門，但係要入波仍需努力。愛華頓上場失咗4球，般尼茅夫近3場失咗9球，兩隊想改善防守、穩打穩扎嘅心態都明顯，尤其係後者。般尼茅夫全場只有5次埋門，兩次中目標嘅都係來自森文尤（Antoine Semenyo）。恭喜下取得入波嘅夏蘭特，成功躋身「英超100」系列（英超聯入球數達到100個，目前最高紀錄依然係前修咸頓、布力般流浪、紐卡素名宿舒利亞所保持）。而曼城亦都締造咗一項紀錄，連續喺英超擊敗同一家球會次數最多-15勝🆚富咸，對對手嚟講都頗爲恥辱。富咸半場落後1-3嘅情況下，下半場較客隊表現積極。伊禾比同卓古爾斯（Samuel Chukwueze）嘅梅開二度俾咗佢哋唔少追和嘅希望，不過4-5嘅比數都係維持到終場哨聲響起。紐卡素同熱刺嘅比賽去到下半場先入「戲肉」，尤其係中後段嘅時間。熱刺中堅羅美路（Cristian Romero）成為球隊終止連敗嘅「活命稻草」，佢嘅砲彈式頭槌+倒掛絕平入波都相當精彩。紐卡素有唔錯嘅發揮，贏唔到三分有點可惜。英超第14週賽事賽果-富咸4-5 曼城般尼茅夫0-1 愛華頓紐卡素2-2 托定咸熱刺狼隊🆚諾定咸森林（稍後時間進行）阿仙奴🆚賓福特白禮頓🆚阿士東維拉般尼🆚水晶宮利物浦🆚辛德蘭列斯聯🆚車路士曼聯🆚韋斯咸 🏴󠁧󠁢󠁥󠁮󠁧󠁿