高钧贤预告下周公布婚讯：40岁迎来人生嘅另外一个角色
高钧贤昨晚出席活动，预告将于下周宣布结婚喜讯，并谈到近年来常驻深圳的原因。以下为访问内容：
出席活动
因为自己都好中意呢个品牌，同埋我自己都好耐冇去香港参加活动啦。 呢十年一直都喺内地做唔同工作，拍好多唔同嘅戏同埋节目。 咁但系都好开心嘅，因为其实我呢两年都勤翻香港，因为而家就系喺深圳比较多，所以都多啲唔同嘅活动啊，甚至呢几年都拍咗好多香港嘅诶电视剧，希望都可以多啲同香港观众见面。
目前常驻在哪里？
都算系深圳，因为其实我呢十年我由北京去咗上海、广州啦，因为呢几年就好多时香港都有工作，甚至乎而家都系有做自己生意啊，经营自己品牌，所以喺深圳就会近啲咯。同埋妈咪呢排都病咗啦，我觉得自己唔经唔觉都奔波咗二十年，香港先生是2005年。嗰时即系20、21岁，自己都经历好多嘢，系时候都做一个总结，我可能而家四十岁都要有一个新嘅角色，对自己人生、屋企人、对家庭，对妈咪来说都是。我觉得而家喺深圳亦可以兼顾翻我内地呢十年收获嘅一啲经验，两边都可以做唔同嘅工作。
很多不同的工作是否很辛苦？
都辛苦噶，因为自己亦都兼顾好多唔同嘅自媒体平台，自己又有开公司啦，喺内地同香港都有啦。，由产品、拍摄，到剪接团队自己都会去参与。 但系我觉得（以前）做男仔，咁而家即系要做翻男人，即系要成熟啲，辛苦啲唔怕嘅，我觉得系最紧要系做到自己中意嘅，同埋开心嘅嘢，同埋可以即系take care到屋企，同埋take care到妈咪咯。
会不会同其他艺人在自媒体合作？
有时都有嘅，我自己就真系比较忙。 唔同嘅平台要做直播，其实瞓觉时间都比较少，亦都会有唔同嘅合作，但系可能我自己系又要兼顾好多自己产品嘅嘢，对比其他嘅artist做节目可能有啲唔同。 我会专注翻自己嗰个branding（品牌）上面，就会花多啲时间喺呢方面。
好事将近？
呢啲嚟紧都会公布嘅。我觉得就嚟12月，2024年就嚟完啦，咁我都快噶啦，你哋可以等一等。出得嚟活动自己都好开心。 同埋我呢个planning都plan咗一段时间，由筹备到嚟紧宣布，包括个过程。 点解我今日会选择去出席呢个品牌？因为呢个品牌我一直好支持嘅，我觉得佢哋啲衫系几好睇，亦都系我都有做自己嘅服装嘅潮牌。所以系咯，嚟紧会宣布嘅，都系开心嘅事，最主要系一个都几大嘅变化，因为我自己可能由一张白纸，由二十岁入行咩都唔识，三十岁我就去自己去内地闯，咁而家即系四十岁近翻香港啦。 见翻香港观众啦，嚟紧都会宣布做人生嘅另外一个角色啦，希望大家都会快啲会见到。
为何选择这个时候？
都冇乜特别意思，但系十二月真系一个年故嘅总结，同埋呢个年故总结系，因为其实我自己虽然后生入行咁，但系其实都不断有好多planning嘅，自己30岁都出去内地嚟闯，嗰阵时我嘅谂法就系“宜家三十岁唔出去闯，唔通我等到好似而家嘛？”（当然）而家都仲有仲有精力，keep得都ok嘅。即系我自己不断都有planning。啱啱我四十岁之后，我都觉得系自己系时候都要好好plan啦。呢年真系冇停过嘅，所有工作上面，甚至嚟紧我要去公布嘅，自己都有plan。 因为呢廿年其实都冇乜时间陪我妈咪嘅，现在妈咪生病，我觉得要系要好好照顾佢。 是时候对自己呢一年做一个总结，大家好快会见到，应该系下个礼拜都会话俾大家听。（妈咪知道这件事吗？）佢唔知，但系佢一直都支持我嘅。所以而家就系时候要支持翻佢。
