足本访问丨TVB制作部高级经理何小慧领取30年服务金牌 回顾职业生涯狂升起码9级 自爆最难忘系2010年港姐
TVB制作部高级经理何小慧昨日出席“长期服务暨杰出员工荣誉大奖颁奖礼”，获主席许涛颁发30年服务金牌。她在受访时谈到为无线服务30年的感受，身为“港姐揸Fit人”的她也谈到了令他印象最深的一届港姐节目。
Q：而家有咩感受啊？
A：我头先同主席讲话我好感动啊，我谂唔到喺份工我做咗30年啦。
Q：系回想起当初入嚟嗰阵时，有冇谂过去？
A：真系冇谂过，我谂每一位年轻人喺第一份工嘅时候，只系尽力去做好，但系你真系冇谂到喺同一个部门同一间公司可以做咁长，我自己都谂唔到。
Q：冇谂过呢30年你得到最多系乜嘢？
A：我我觉得我30年，最得到系好开心可以同一班好好嘅同事共事。不论佢可能佢而家喺度，或者佢离开咗一间公司去呢度。我觉得我哋都有个责任，（因为）我哋曾经系俾一啲前辈去train（训练）我哋做制作，（所以）除咗吸收自己制作嘅经验之外，自己都有责任去传承下一代做制作嘅同事。
我哋大家合作得好愉快好开心，每一次几辛苦做完咗一个节目，播出好开心。我哋唔系净系睇个rating（收视率），譬如话做出来啲节目出嚟好好睇，好多人讲，或者系好感人，我哋都好开心。 另外一样嘢就系觉得我都要多谢，不仅是公司同事，喺出边都认识好多唔同合作嘅机构，佢哋对我好好。 你知我哋做好多慈善嘅嘢，每一年同charity去做嘢，我哋都要同唔同嘅主席啊或者唔同嘅人一齐合作。 咁我觉得每一次都做得令到佢哋好满意，希望大家可以将佢哋嘅message带得到，所以我觉得呢样嘢系我最收获嘅。
Q：30年前你系一个新人，系有冇计过到而家你升咗几多level？
几多级真系冇（计）啊。 即系你知道我哋以前嗰个system，我哋系由助理编导开始，跟住就会升编导，但系我哋编导仲要分junior，然后跟住再分一个叫p，跟住再分一个sp，然后再分享一个executive producer，跟住一个pe，跟住一个assistant production manager，到今时今日嘅senior manager。
Q：咁样听到，好似已经超过9级？
A：其实我觉得我哋嗰时候真系，个级数分别系更加细嘅，我哋可以咁讲。
Q：大家印象中咧你就系（负责）港姐，咁你有边一届香港小姐系觉得最印象难忘？
A：我觉得最印象难忘应该系2010年，系我哋最后一届喺红馆做，然后跟住喺红馆俾我得两日时间。你谂下两日时间做一个咁大型嘅香港小姐，个压力好大。第二就系话我哋嗰一年系去南亚，啱啱系海啸之后跟住嗰一年，咁所以变咗系事后一年去到之后，睇到唔同嘅国家，尤其是pp岛，我去到真系吓死我，我未去过但睇翻啲相嘅时候全部冧晒，然后而家啲情况系点样咧？ 嗰啲系经验系好深刻。即系一个系海啸之后嘅外景，再加埋一个系喺红馆最后一年得两日时间，呢个经验真系我永远都记得。
Q：你就好识得睇艺人，有边位系你一见到就觉得佢系明日之星？
A：哇，真系好难答啊。（或者边几位？）都好难答。好多时候选港姐，睇吓边个有机会成为冠军，都可能会估到啊，但系你话边个明星或者我哋artists将来会系一个巨星？呢个系难答嘅，但系你问我嘅话，其实我觉得今时今日嘅artists机会多咗好多，因为social media嘅出现。我觉得每一个artist都好努力去做好自己。我梗系希望佢哋有机会好似我哋以前一啲好劲嘅艺人能够出人头地。
Q：咁有边几位港姐系你印象好难忘，即系到而家都觉得系好欣赏佢？
A：即系讲咁多届啊？（即系你哋冇拣错嘅）好多，朱玲玲、向海岚，当然佢哋喺慧妍雅集。咁你话呢十几年譬如toby（陈庭欣）、朱晨丽，陈凯琳、谢嘉怡，宋宛颖，其实都算大家都可以噏得出佢嘅名。
Q：当时谢嘉怡嘅广东话有冇令到你哋多咗考虑？
A：我谂唔会关事，其实最紧要系佢嘅performance。我哋成日话美貌与智慧并重，美貌当然行先，但系问题嘅智慧你都要。 其实唔系净系我哋比分，都系评判比分。 咁你都睇到佢行出嚟嘅表现，或者佢喺训练嗰段时间嘅表现都系好重要。
