【艺人访问】当选港姐冠军之后赋闲宅家 倪乐琳自称无聊想学写毛笔字 渴望早日拍剧有意报读戏剧课程
2024年香港小姐冠军倪乐琳（Ellyn）早前出席《善心满载仁爱堂》记者会，接受传媒访问时谈到了自己近来的状况。
Q：Hello，最近多唔多嘢做啊？
A：最近唔系好忙，都有好多时间休息可以喺屋企。
Q：主要自己一个人嘅Me Time？
A：咁样，一个人嘅Me Time。 因为其实我宅女嚟嘅，我都唔系好中意出街。
Q：喺屋企做啲乜嘢咧？
A：喺屋企食下嘢，跟住look下手机，都冇咩做，好无聊，好想翻工。
Q：会唔会揾啲嘢去自我增值？
A：其实我算系一个比较中意喺屋企享受Me Time嘅人，但系都会想揾啲嘢学下。 咁我最近都谂紧，我最近上网睇到好多人写毛笔字写书法，所以好想去学。
Q：选完港姐之后，有冇啲发掘咗一啲特别嘅兴趣？
A：我觉得我发掘到自己好中意做嘢。以前我放假嘅时候都喺屋企瞓觉躺平咁样，但系后尾发觉好冇意义咯，因为选港姐这三个月嘅每一日都好充实，可能已经惯咗嗰个生活。 跟住突然之间依家选完啦，静咗落嚟，可能有啲无聊。
Q：喺呢段时间公司会唔会俾啲嘢你去学下，或者发掘你唔同地方嘅一D才华？
A：都有啊，嚟紧可能后日都会去上一个casting嘅堂，都好开心啊。 （已经有casting添啊？）casting嘅堂咯，即系可能教你点样casting。
Q：但系嗰啲演戏啊，嗰啲未咁快开始未啊？
A：未啊，我本身就好想拍剧啊，好中意啊。 所以其实我都谂紧坊间嘅戏剧堂啊，嗰啲兴趣班，可以去学下先。
