善心滿載仁愛堂丨梁嘉莹傳與佳麗不和兼人品差 承認同冠軍吳芷靖傾掂數 倪樂琳自覺撞樣沈可欣唔係好事
港姐冠軍倪樂琳（Ellyn）、亞軍梁嘉莹今日（21/10）現身尖沙咀出席《善心滿載仁愛堂》記者會。梁嘉莹一直被傳與其他佳麗不和，有人更在小紅書大爆她人品極差，而且目中無人，曾經在2號（冠軍倪樂琳）飲水時撞到她，令對方衣服濕透，卻沒有道歉就走人，要在場工作人提醒先道歉，及流出疑似她與四強止步的10號佳麗吳芷靖的聊天記錄，令不和傳聞不脛而走。
梁嘉瑩接受訪問時表示：「其實我講嘢一直都好有禮貌。（會唔會中文唔係咁好，講說話時令人有誤會？）咁又冇人咁講過，咁所以我就覺得冇呢個問題。（指你同吳芷靖不和？）其實之前我哋私底下已經傾過，已經解決咗呢個誤會，咁所以我唔再去補充一啲嘅回應，再次傷到到雙方。（有冇嘢想平反？）其實一開始睇到係好唔開心，但諗返轉頭唯有做好自己囉。」
Ellyn對於如何處理同梁嘉莹的不和傳言表示：「我諗坊間係會放大啲小事。（小事係有，只不過放大咗，例如你飲水時她撞親你，梁嘉莹冇道歉就走了，要工作人員提醒，她先同你道歉！）咁我又唔記得（咁即係冇否認！）唔係，咁如果係咁嚴重嘅話我實記得，咁其實佢都冇做過。」
Ellyn因被封為「翻版李嘉欣」而一直受盡網民狠批，指她外貌與實際年齡更老，完全沒有李嘉欣那種仙氣美貌，更將她與無綫處境劇《愛•回家之開心速遞》飾演「Rebecca」的沈可欣相比外貌更神似。Ellyn表示：「其實要背住『翻版李嘉欣』呢個名都好大壓力，但由我參加第一日港姐，我已經有心理準備去面對負評，始終自己都係公眾人物，都明白到要面對不同嘅聲音，但自己要學識接受。（自己覺唔覺似李嘉欣？）唔係好似啦。（網民話你似沈可欣？）我覺得都唔係一件好事嚟，但有話題都係幾好。而我覺得沈可欣都係一位好好嘅前輩，我都希望有一日能夠做到好似佢咁嘅角色深入民心。」
