鍾志光苦等35年獲TVB頒發傑出員工獎：從來都冇諗過攞呢個獎
鍾志光（鍾仔）今日現身電視城出席《無綫2024下半年度傑出員工嘉許計劃頒獎典》，獲頒傑出員工獎。
鍾仔接受訪問時表示：「我喺TVB都35年，一直都係抱住平常心，從來都冇諗住攞呢個獎，其實從我入職嘅第一日到今日，我嘅工作態度都係一樣克盡厥職。可能今次有少少特別，有個奧運節目效應，可能觀眾會話點解會成日見到你嘅，又或者有同事會話我返工好長時間，但其實幕後嘅團隊都同我一樣都係咁長時間，咁所以冇佢哋根本就做唔到我出嚟。今次能夠得到呢個獎，得到公司嘅肯定係好開心。」
