唐诗咏离巢之后

大家都好少喺公开场合见到佢了

见佢时不时係社交平台晒嘅

都係啲咗手工劳作嘅chill嘢

好似完全放低娱乐圈咁

最近佢突然举行发布会

预热自己即将上线嘅旅游节目

原来佢已经接洽咗

其他平台嘅综艺嚟拍

话说呢个旅游节目

就係得诗咏一个人做主持嘅

佢将会轻身上阵

远赴英国体验生活

喺呢个节目上

佢应该就係全程公费

住好嘅、食正嘢、玩得嗨

可以自在放飞自己

感受英伦嘅贴地生活

又可以品尝地道嘅英式美味

展现自己真实的一面

可以话係好多人嘅理想行程啦

诗咏更话

一开始监制就“呃”佢话

呢趟旅程会有

好多小鲜肉同佢一起

等佢又期待又怕丑嘅时候

先知道原来係小鲜肉……

提前录好嘅片段

自己just“隔住屏幕”同佢哋见面

而喺旅程中

节目组仲要求佢

独自一人去酒吧同人搭讪

诗咏献出咗自己第一次

同陌生人搭嗲嘅体验

唐诗咏直言

自己以前未试过接拍综艺

又未试过自己一个人做主持

依家有更多机会

尝试唔同类型嘅节目

发现原来喺呢类型真人秀

可以有机会做翻自己

成个人都放松咗好多

//////////

睇唐诗咏今次嘅旅游综艺

有网友就觉得形式上

同早前蔡思贝嘅个人综艺

《贝游英伦》非常相似

当时思贝都係只身一人

飞到英国体验生活

探店当地特色酒吧、

打卡地标建筑等等

具体有咩唔同

就要睇下诗咏嘅节目先知啦

▓▓▓▓▓▓▓▓▓▓▓░░░░努力加载中……

喺诗咏嘅chill生活分享中

大家睇到最多嘅

就係佢最近成日晒嘅

冷线勾针手作啦

大家都知道佢嘅针织手艺

係师承甘比嘅

因为佢哋成日一起上课

仲不时po出亲密合影添

早排嘅“梅西球赛”

好多艺人都扑飞去支持

马明、陈家乐等人

就会埋堆睇比赛

当时诗咏都有去现场

从佢po嘅相可以见到

位置比较靠近栏杆

应该係非常前排嘅靓位啦

诗咏有机会坐到咁前

如果唔係重金出手

估计就係背后嘅人脉劲揪

有网友仲发现

除咗拜师甘比之外

唐诗咏连朋友圈都升呢唔少

从最近嘅po相睇

佢同梁洛施、陈伶俐两位富太

“机缘巧合”咁成为闺蜜添

大家问及佢

最近朋友圈变富贵嘅事

诗咏就话

友情唔係用富贵衡量嘅

其实马国明都好“贵”

心灵富足就够

网友不禁打问号：

咦，讲马明“心灵富足”

唔通係暗示对方孤寒又穷？

最近一起玩嘅朋友都係名媛级

唔通係为跻身豪门铺路？

Anyway~

大家见到少少嘢就有咁多猜测

应该都是挂住少咗出镜嘅诗咏

就等我哋期待一下

佢嘅新节目啦~

来源：可乐生活Color微信公众号

编辑：张子殷

审核：曾敏妍

签发：骆苹