《婚后事》继续热播

呢个星期剧情讲到“不忠”

“家嫂”王敏奕登场引发热议

剧情讲到佢饰演嘅“静海”Mira

时刻色诱罗子溢饰演的“潘善仁”

最终受不住诱惑嘅善仁

走上出轨路

王敏奕喺剧中尽show魅惑

吊带衫、低腰裤晒好身材

眼神勾魂、表情挑逗

肢体语言更令人想入非非

被唔少观众大赞佢演得好

姣精上身，姣到出汁

一幕背面全裸嘅戏份

尺度堪比黎诺懿浴室露pat

被网友称为“致命诱惑”

更封“家嫂”为“最强小三”

《婚后事》正因为有

各位主创嘅瞓身演出

先令到追剧观众欲罢不能

加上剧情荒诞得嚟又好现实

每次嘅反转都会有惊喜

除咗剧集本身嘅精彩

佢嘅片头、片尾曲

都同样受到大家关注

由曾比特翻唱许美静嘅《倾城》

将剧中角色感情嘅无奈

用婉转歌声娓娓道来

而片尾曲则是由谷娅溦翻唱的

《阿拉斯加海湾》

歌词中唱到对ex嘅不舍与爱未完

完全就同剧情不谋而合

第四集由“潘悦”角度看《婚后事》

ending改用童声特别版献唱

更一度成为剧集高潮位

堪称“深夜催泪弹”

可能任何事热度一高

就容易惹是非

呢首《阿拉斯加海湾》

就被外媒报道称

佢被举报“侵权、偷窃”

话说呢首歌就係

由马来西亚歌手菲道尔原创嘅

早前我哋Color都同佢倾过计

知道呢首歌係佢感慨相遇相识

但不能相爱嘅emo之作

今次係喺朋友提醒之下

佢先发现自己嘅作品被用作

电视剧《婚后事》嘅主题曲

此前自己并不知情

有维护歌手嘅网友即刻愤起话

要举报剧组偷窃原唱人版权

更有甚者直接到

谷娅溦嘅社交账号下开闹

溦溦被闹得莫名其妙

但也据理力争

自己just负责演唱

版权问题由电视剧方处理

《爱上我的衰神》剧照

其实明白事理嘅观众会知道

音乐嘅版权

一般就由音乐发行公司负责嘅

可能公司冇特别通知原唱人

所以先会有咁嘅误会

《婚后事》嘅监制林肯都话

非常理解粉丝保护歌手

亦会积极争取同当事人沟通

好好处理事件嘅

溦溦话斋

好嘅作品应该分享俾更多人

但一定要处理好版权问题

合理传播先係最good

来源：可乐生活Color微信公众号

编辑：张子殷

审核：曾敏妍

签发：骆苹