专访︱众所周知梅小惠有个监制家姐，小青姐曾在访问中透露，自己的确曾经怕起用妹妹，怕被人指指点点，小惠却说：「我完全冇喎，我完全觉得呢啲真系理所当然㗎喎，有乜理由你家姐唔锡个妹呀？有乜理由爹哋唔锡个女呀？有乜理由阿哥唔照顾细佬呀？但系有一样嘢一定要！受惠慨人，得到呢个福利，必须要做好自己本分，系比任何一个人，同类型慨artist你要加倍，你要小心谨慎。」不是要做足本分，是要做多，除了要早到迟走、尊重导演，还要睇睇片场前辈有什么需要帮忙，「 我希望我自己唔系烂泥扶唔上壁。」无可否认小惠可能比一般人多了些机会，但她相信家姐并非全权话事，用人前也要请示上级，而且若夹硬为人情选些不适合的角色予小惠，到头来等于害了她，因此小惠自问从未辜负任何一个机会，因为自己总用最好状态去完成工作，「唔系话有个家姐喺度你就必然有个机会，而当我家姐真系争取到畀我，而我又做得好慨话，其实我觉得系无悔。」 小惠说：「好多人以为梅小惠最大慨伯乐系梅小青，其实我行得咁快，真正伯乐系曾励珍。」那时她仍在训练班，清晨5点多传呼机响起，PA（助导）说有一套民初剧《大茶园》正在拍摄中，当日要拍主角吴启华的结婚戏，还预约了一大堆临演，偏偏新娘子因病失场，PA只得临时拉伕致电小惠，问她能否立即赶去现场化妆顶上，她二话不说便答应，到场后才知道该剧监制为曾励珍，尽管小惠戏份很少，但就开启了其后的拍剧之路，下个角色戏份立即加倍，便是同样由珍姐监制、郭晋安主演的《万家传说》，小惠在剧中饰演其表妹「大妹」，角色讨好，于是又轮到岑国荣的《公私三文治》、刘家豪的《他来自江湖》，小惠可说是极速上位。 她续道：「（万家传说）试造型慨时候、开镜慨时候，我都亲身行埋去珍姐度讲话『多谢你畀呢个机会我！』渠亦真系有讲过，『呢个机会唔易有㗎！』其实就算我en唔ensure系渠主动畀呢个机会我，系咪因为之前我做过一个咁慨动作，渠畀呢个机会我都好啦，我都会将渠串连埋系一个机会，就觉得呢个人就系我无形中一个伯乐！因为呢一个剧集、呢一个角色，我就有《公私三文治》二妹慨角色，跟住有『甩头芝』嗰个角色，系慢慢慢慢咁样去。」对她而言，无论机会是谁给予，她一样「全力以赴，做到最好」，而《他来自江湖》的成功，更开启了其综艺之门，1990年1月1日，她应吴雨邀请加入了《欢乐今宵》。 吴雨十分搞笑，问小惠：「你愿唔愿意加入《欢乐今宵》呀？」她当时如像被求婚说「I do！」一样，二说不说就答应了吴雨，对方大感奇怪，再问：「点解你咁兴奋慨？你要记住，入咗嚟就好难度期去出面搵食㗎喇。」《欢乐今宵》星期一至五都要直播，若加入了恐怕就不能轻易抽时间拍戏、登台，不过小惠还是满心欢喜地答允伯乐吴雨的邀请，「因为我细细个好钟意睇《欢乐今宵》，细个我哋唔愿瞓，但系我哋只要话睇《欢乐今宵》呢，因为爸爸妈妈都睇，咁开住个电视冇理由唔分甘同味呀？我哋就会一齐睇。」而更深层的原因，因为梅爸爸是《欢乐今宵》忠实拥趸，不但睇，还亲自参加！ 原来梅父参加过两次《欢乐今宵》表演，上去耍功夫，之后更推了三家姐参加唱歌环节「Sing声星」，「所以我有机会做返欢乐今宵，好似达成咗我爸爸慨心愿！我第一日，返去知道呢件事慨时候，我话返畀我爸爸听，『爸爸！我做《欢乐今宵》呀！爸爸话，『哗！好呀！好开心呀！』劏鸡还神咁滞，嗰吓我觉得好满足，我读书唔叻，但系我做到一样嘢令我爸爸好Proud of我，我就好开心。」而的确，成为「EYT」一员后，小惠不能外出搵食，单是公司的演出已让她「爆晒骚」，一年得365日，她签380几个「骚」，但竟然试过在4、5月就已经「爆骚」，还清300几个「骚」，甚至最高峰爆到上400多个「骚」，需要在录影厂之间游走开工，跑足几场，「我每个月慨Account好多钱，但系我都冇时间使。」她倾约时更一度要求减骚，谁知减完还是300多，难怪小惠说：「90至到94呢段时间出慨artist，真系到今时今日啲人都仲记得，我好幸运系成为嗰段时间慨artist！」
