7月重头戏《破毒强人》

喺内地抢先播出

一口气掟出5集

集集有料到

睇到观众都话

好耐冇睇过咁过瘾嘅剧啦！

剧中唔止有毒枭大Boss

仲有阿sir做卧底查案

作为强人系列又一力作

呢部剧集齐咗TVB收视法宝

开头几集主要交代往事+新案

整部剧以黑暗阴沉为主调

节奏紧凑，人物关系复杂

仲有唔少插叙回忆

观众睇嘅时候都要花啲心机

剧情主要提到

大毒枭文华同班兄弟

垄断咗大半个香港嘅毒品

警察叶浩天卧底三年

终于帮警方抓到文华

但叶浩天不幸俾文华识破身份

逼住佢注射咗高浓度毒品

搞到大脑都出现问题

无奈要离开缉毒科

仲同警官女友丁若宁分手

直到十年后

文华因癌症晚期被特赦出狱

借机叫手下搞出杀警案

逼叶浩天重返缉毒科

文华仲扯上老相好章琳

同单纯嘅哑仔徐安乐

想利用互联网重操旧业

自此兵贼之争就正式开打

睇完新出几集

主要角色都出嗮来

部分保留《白色强人2》人马之余

又加上《超时空男臣》三兄弟

虽然係大家熟悉嘅搭档

但角色嘅人设好似都有变化

为咗更好呈现正邪交锋

大家都花咗唔少心思

阿sir呢边

张曦雯饰演女警丁若宁

佢为咗更似madam

一改先前温柔形象

剪咗个“男仔头”

虽然牺牲咗一头长发

造型睇起身冇之前咁精致

反而显得佢更加干练

而且角色嘅每一个情绪

Kelly都处理得啱好

例如面对前男友叶浩天时嘅无奈

面对下级警员老爸时嘅撒娇

俾导演赞“令人眼前一亮”

喺剧中

萧正楠演嘅叶浩天

係Kelly嘅警队拍档兼前男友

萧正楠呢次颠覆以往暖男形象

饰演“绝情”嘅警队卧底

因为大脑受损

所以佢冇感觉、冇情绪

对边个都係冷漠、零表情

萧正楠为此下足功夫

比如着嘅都係黑衫黑裤

食嘢又只食蒜蓉意粉

但呢份意粉实在太过抢眼

俾大家吐槽得最多

呢种冷漠气氛仲俾带到戏外

虽然佢同Kelly做搭档

但为咗keep住角色感觉

两个人私底下都冇倾计

开机两三个月佢哋都唔熟

确定唔係努力保持人夫“男德”？

比起警察呢边嘅距离感

陈豪同胡定欣

呢对反派CP显得更亲密

从8年前《鬼同你OT》开始

到依家嘅新剧

两人已经係“四搭”嘅老拍档

呢次“视帝”同“视后”

就出演“毒王”文华&“毒后”章琳

从选角上就压对手一头

好在Edwin同Kelly顶住压力

目前来睇两边都势均力敌

阿Mo呢次收起嬉皮笑脸

做起沧桑濒死嘅衰人

虽然命唔长但心狠过

《隐门》中嘅贼王叶啸天

再加上造型颓废邋遢

把声又低沉嘶哑

外形睇起身都几吓人

其实呢啲都係阿Mo特登设计嘅

通过声音体现出文华嘅临死状态

同埋佢深谋远虑、睚眦必报嘅个性

佢表示已经好耐冇做反派

呢次做毒枭可以话过足戏瘾

而胡定欣呢次又演女强人

佢一出场就好吸睛

每套职场套装都好有气场

网友都表示

呢个角色非她莫属

睇佢做反派百看不厌

但事实上

呢个角色一开始都几惨

毒品令佢失去父母、家破人亡

为咗生存落嚟

佢将自己卖咗畀文华

呢个提供毒品嘅“凶手”

佢其实係想利用文华

成功出国读书、金盆洗手后

仲做咗投行总裁

贪钱又识赚大钱

係目前最大嘅赢家

胡定欣更係演出咗

章琳嘅自信同松弛感

所以睇佢怼人非常过瘾

但呢段过往

让剧中两人嘅关系变得微妙

究竟係互相钟意定係利益纠缠

陈豪同胡定欣都花咗心思演绎

期待后续两位喺剧中嘅化学反应

冷面阿sir同干练madam

御姐总裁同过气大佬

两队搭档你最睇好边对

快啲来评论区话比Color知啦！

来源：可乐生活Color微信公众号

编辑：张子殷

审核：曾敏妍

签发：骆苹