卫诗雅凭借电影
《不日成婚2》中“曾可怡”一角
入围香港电影编剧家协会嘅
“2023年度最佳电影角色奖”
诗雅觉得自己好lucky
对此亦好感恩
最近佢同《成婚》“对象”陈家乐
一起出席一个名酒活动
两人讲起自己同酒嘅各种趣事
家乐已成功“上岸”做“老衬”
但诗雅依然单身做“烈女”
问到佢几时plan终身大事
诗雅就好搞笑机智咁卸走个波:
“家乐生仔嘅时候,我就结婚!”
临近春节
各大晚会在赶进度录制
关智斌为咗CCTV嘅“网络春晚”
努力咁背歌词做准备
虽然Kenny外形够晒阳光开朗
但要佢用普通话+rap
演绎《阳光开朗大男孩》
又真係有啲咁上下难度
当佢自信满满咁向陆毅展示
自己苦练三日三夜嘅成果时
听咗好几次嘅陆毅依然无奈表示
“第三句还是没听懂~”
最后连“风水书”都出动埋
Kenny自己都笑到痴线
都唔知话係Kenny嘴太快
定係陆毅耳仔唔好啰
Twins演唱会开到如火如荼
每场都有不同惊喜
最近一次嘅舞台上
阿sa更“语出惊人”
讲到两人已经出道22年嘅时候
笑称如果自己当年生咗个仔
依家都已经22岁了
吓到阿娇O嘴之际
最后阿sa即刻补翻句
“件事冇发生”
可以睇得出
英皇嘅各位艺人
都好识搞gag
DNA里面都有幽默搞鬼基因
上星期
嚟自英皇旗下漾星嘅
六位新晋艺人:
余浩斌、战金意、三土、
汤颖琦、黄梓洋、林涵
就嚟咗可乐直播间玩啦
活泼贪玩嘅佢哋一到埠
直播间就变到成个幼儿园咁
欢乐连连、笑声不断
靓靓小姐姐同可乐君·牛牛
PK金漆毛笔写大字
每人写嘅挥春字体
都好有自己风格
唔知边款最啱你心意啦
两位靓仔小哥哥仲化身“厨神”
同可乐君·牛牛整劲sweet糖葫芦
成品五颜六色晶莹剔透好上镜
食落仲外脆内juicy好惹味
但睇翻个制作过程
只见牛牛跺晒脚
仲塞住耳仔嗌晒“救命”咁
有得玩、有得食
成个过程有意思得嚟又好欢乐
其中嘅故事仲相当精彩
如果想知详情
记得关注我哋稍后推出嘅正片
嘻嘻哈哈提前过新年啦
来源:可乐生活Color微信公众号
编辑:张子殷
审核:曾敏妍
签发:骆苹