前几日，好多艺人朋友就去咗

参加澳门国际短片节颁奖典礼啦

《家族荣耀之继承者》杀青冇耐

两位男主林峯&黄浩然

都去现场亮下相

因为係短片节

两位“爱妻号”都趁机

赞下自己太太好识拍小视频

浩然赞完自己嘅贤内助

仲要赞埋隔离老友

因为佢话自己太太拍完嘅片

会俾峯少老婆张馨月后期处理哦

从来都係被人吐槽嘅林太

难得有人赞啵

峯少梗係乘胜追击

大赞老婆最叻P图同剪片

自己just做个被拍嘅“工具”

原本咧呢波晒恩爱操作

就係好sweet嘅

但有网友发现

峯少甘愿做“工具”

张馨月又真係当正佢“工具”啰

话说最近峯少就忙到甩辘

新剧杀青后要准备发力宣传

喺影展上自己嘅新电影

又官宣定档“五一”了

而“林太”张馨月就飞咗出埠

join王嘉尔嘅私人party

水着、湿身、打水仗

玩到不亦乐乎

你係唔係觉得

佢同王嘉尔根本就係

两个大缆都扯唔埋嘅人

但林太就好威水咁

将自己同嘉尔嘅贴面合照

放係C位等全世界都睇到

如果硬要讲两人认识

估计亦係因为峯少同嘉尔

同为香港歌手

又同样係豪门“富二代”

所以一起花咈玩过吧

睇嚟林太就係将峯少当成

佢跻身豪门朋友圈嘅“工具人”

but葡萄网友睇住张合照就觉得

企喺佢隔离嘅嘉尔

都瞬间变得土气

//////////

喺大家眼中

张馨月就係个卖内衣出身嘅网红

所以觉得佢依家嘅穿衫风格

有说不出嘅网红feel

虽然近几年好多人都觉得

佢刻意模仿吴千语嘅穿搭

甚至连英文名都改成相似嘅发音

但各自气质毕竟唔同

就算模仿亦係风马牛不相及

就攞呢场嘉尔嘅私人泳池趴嚟讲

现场大部分人都穿黑T衬短裤

林太就一身清凉吊带裙

露出一截黑色打底裤

从佢自己发出嘅图片睇

身材纤瘦、有前有后

都算几养眼嘅

但有网友从另一个角度抓拍

玩至疯癫嘅林太

生图嘅腰线唔明显

下颌线亦较为松垮

明显“官图”係精修过嘅

峯少所言非虚

知佢P图最叻

点都好啦

大家点闹张馨月

峯少都依然咁冧佢

大家只係希望

林太可以收敛少少

毕竟佢身份係峯少老婆

一举一动都会同峯少关联

唔知大家又点睇咧

来源：可乐生活Color微信公众号

编辑：张子殷

审核：曾敏妍

签发：骆苹